Karyerasını ''Roma''da davam etdirən Zəki Çəlik ilə bağlı transfer xəbəri var.

''Football-plus.az'' xəbər verir ki, Türkiyə yığmasının üzvü İtaliyadan İngiltərəyə yollana bilər. Belə ki, premyer-liqa təmsilçisi ''Fulhem'' ona görə rəsmi təklif irəli sürüb. İngiltərə mətbuatının iddiasına görə londonlular bu futbolçunu mövsümün sonuna qədər icarəyə götürmək istəyir.

''Fulhem'' Zəkini daimi əsasda transfer edə bilmək hüququnu da ələ keçirmək istəyir. 27 yaşlı sağ cinah müdafiəçisinin adı həm mövsümün əvvəlində, həm də bu qış transfer dönəmində ''Qalatasaray''la da yanaşı hallanırdı. ''Roma'' düşünmək üçün vaxt istəyib. Yekun qərarı futbolçu özü və ''canavarlar''ın baş məşqçisi Klaudio Ranyeri verəcək.

Bu mövsüm 28 rəsmi oyunda aktivinə 1 məhsuldar ötürmə yazan Çəlikin ''Roma'' ilə 2026-ya qədər müqaviləsi var. ''Roma''ya 2022-ci ildə 7,4 milyon avroya ''Lill''dən transfer edilən Zəkinin indiki dəyəri 5 milyon avrodu.

ƏLİ