Arda Gülər ilə bağlı bir transfer xəbəri də yayılıb.

"Football-plus.az" xəbər verir ki, İngiltərənin “Caught Offside” saytında yer alan xəbərə inansaq, “Arsenal” rəsmiləri Ardanın transferinin mümkün olub-olmaması ilə yaxından maraqlanıb. Daha öncə də bu futbolçuya maraq göstərən London nəhəngi Gülərin ətrafındakı insanlarla təmas quraraq keçidin baştutma ehtimalını araşdırıb.

Ancaq xəbərdə o da qeyd olunub ki, Ardanın ən azı bu yay Madridi tərk etməsi real görünmür. O, “Real”da xoşbəxtdi. Elə klub özü də bu futbolçunun əldən çıxmasında maraqlı deyil.

Arda Gülər bu mövsüm Madrid nəhənginin heyətindəı iştirak etdiyi 50 rəsmi oyunda hesabına 6 qol, 14 məhsuldar ötürmə yazıb.