“Roma”nın yeni baş məşqçisi müəyyənləşib.

İnsayder Fabritsio Romanonun məlumatına görə, paytaxt komandasını Klaudio Ranyeri çalışdıracaq. 73 yaşlı mütəxəssis bu yay məşqçilik karyerasını başa vursa da, sabiq komandasına çətin dövrdə kömək etməyə razılaşıb. Romano artıq tərəflər arasında razılığın əldə olunduğunu bildirib.

Xatırladaq ki, Ranyeri “Roma”nı iki dəfə - 2009-11 və 2019-ci illərdə çalışdırıb. Onun sonuncu komandası ötən mövsüm başçılıq etdiyi “Kalyari” olub.