Koronavirusun Cavohirə xeyri dəyib
Özbəkistanlı şahmatçı Cavohir Sindarov “Counter-Strike” kompüter oyunları seriyasına olan marağından bəhs edib.
"Football-plus.az" xəbər verir ki, gənc qrossmeyster birvaxtlar şahmatdan daha çox kompüter oyununa vaxt ayırdığını etiraf edib:
"Digər uşaqlar gündə 10 saat şahmatla məşğul olduğu halda, mən hər gün vaxtımı “Counter-Strike”a sərf edirdim. 2019-cu ildə qrossmeyster olanda belə, hər gün 2-3-4 saatımı ayırırdım. Karantin dövrü mənə çox kömək etdi: həmin vaxt “Counter-Strike” oynamaqdan həqiqətən yoruldum və anladım ki, artıq şahmata qayıtmaq vaxtıdı. Karantindən sonra çox ciddi şəkildə çalışmağa başladım və həyatım dəyişdi".
Qeyd edək ki, 20 yaşlı şahmatçı İddiaçılar turnirində vaxtından əvvəl qalib gəlib və yaxın zamanda şahmat tacı uğrunda mübarizə aparacaq.
Digər xəbərlər
