Maqnus Karlsen bir daha bu il dünya şahmat tacına İddiaçıların Turnirinə qatılmayacağını bəyan edib. Aprelin 2-25-i aralığında Torontoda keçiriləcək turnirin qalibi şahmat tacı uğrunda görüşdə çinli Din Lirenlə qarşılaşacaq.

“Mən İddiaçılar Turnirində oynamayacağam. Bu barədə narahat olmayın. Deyərdim ki, əsas səbəb ondan həzz almamağımdı. Bu sadədir”, - deyə norveçli qrossmeyster bildirib.

Xatırladaq ki, ötən ilin avqustunda Bakıda keçirilən Dünya kubokunun qalibi olan norveçli ulduz avtomatik İddiaçılar Turnirində oynamaq hüququ qazandı. Onun artıq neçənci dəfə turnirə qatılmacağını bəyan etməsindən sonra reqlamentə əsasən İddiaçılar Turnirinə Dünya kuboku vasitəsilə Fabiano Karuana, Rameşbabu Praqnanandha və Bakıda 4-cü yeri tutan həmvətənimiz Nicat Abbasov qatılmalıdı. Əlbəttə, bu yöndə son sözü FİDE deyəcək.