Bu gün AFFA İntizam Komitəsinin iclası keçirilib.

"Football-plus.az" xəbər verir ki, iclasda Misli premyer-liqasının 28-ci turunun "Zirə" - "Neftçi"nin oyunundakı hadisələrlə bağlı qərarlar qəbul olunub.

Belə ki, “Zirə” heyətindən 5 nəfər sarı vərəqə aldığı üçün 700, 90+6-cı dəqiqədə məşqçisi Ağabala Ramazanov texniki zona qaydalarını pozduğuna görə birbaşa qırmızı vərəqə aldığı üçün 2000 manat cərimə edilib. Mütəxəssis 1 oyun cəza alıb. Oyun bitdikdən sonra stadion ərazisində hakimə məxsus avtomobilə zərər vurulduğuna və bu hal cari mövsümdə ilk dəfə yaşandığına görə qəsəbə təmsilçisi 3000 manat cərimə edilib. Dəymiş zərər “Zirə” tərəfindən qarşılanacaq.

“Neftçi”yə gəlincə, heyətindən 5 nəfər sarı vərəqə aldığı üçün klub 700 manat cərimə edilib. 90+8-ci dəqiqədə baş məşqçi Yuri Vernidub hakimin qərarına etiraz etdiyinə görə birbaşa qırmızı vərəqə aldığı üçün 1 oyunluq cəzalanıb, “Neftçi” 5000 manat cərimə edilib. Oyun bitdikdən sonra “ağ-qaralar"ın məşqçisi Dmitro Kara Mustafa hakimin qərarına etiraz etdiyinə görə birbaşa qırmızı vərəqə aldığı üçün 1 oyunluq cəzalanlb, “Neftçi” 5000 manat cərimə edilib. 90+5-ci dəqiqədə futbolçu Breno Almeyda birbaşa qırmızı vərəqə aldığı üçün 1 oyunluq cəzalanıb, “Ağ-qaralar" 3000 manat cərimə edilib. Oyunda “Neftçi”nin azarkeşləri tərəfindən hakimlərin ünvanına kütləvi şəkildə təhqiramiz ifadələr səsləndirildiyinə və bu hal cari mövsümdə 7-ci dəfə təkrarlandığına görə “ağ-qaralar" daha 8000 manat ödəməlidi. Həmçinin, qonaq tərəfdarlar tərəfindən meydançaya kənar əşyalar atıldığına və bu hal cari mövsümdə 5-ci dəfə təkrarlandığına görə “Neftçi” 4500 manat cərimə edilib.

Beləliklə, "Neftçi" ümumilikdə 26 min 200 manat, "Zirə"yə isə 5 min 700 manat cərimə kəsilib.