Bu gün AFFA İntizam Komitəsinin iclası keçirilib.

"Football-plus.az" xəbər verir ki, iclasda Bizon ölkə kubokunun 1/8 finalında və Misli premyer-liqasının 14-cü turunda baş verən qayda pzuntuları ilə bağlı qərarlar verilib.

Bizon ölkə kubokunda 1/8 finalın “Zirə” – “Neftçi” oyununda “Neftçi”də 4 nəfər sarı vərəqə aldığı üçün klub 700 manat cərimə edilib. Oyunda “Neftçi”nin azarkeşləri tərəfindən meydançaya kənar əşyalar atıldığına və bu hal kubokda ilk dəfə yaşandığına görə klub 2000 manat cərimə edilib. “Neftçi”nin azarkeşləri tərəfindən rəqibin ünvanına kütləvi şəkildə təhqiramiz ifadələr səsləndirildiyinə və bu hal kubokda ilk dəfə yaşandığına görə “Neftçi” 5000 manat cərimə edilib.

“İmişli” – “Sabah” oyununda “İmişli" 4 futbolçusu sarı vərəqə aldığı üçün 700 manat cərimə edilib. “Sabah"ın azarkeşləri tərəfindən hakimlərin ünvanına kütləvi şəkildə təhqiramiz ifadələr səsləndirildiyinə görə klub 5000 manat cərimə edilib. “Qarabağ” – “Karvan-Yevlax” oyununda “Karvan-Yevlax” 4 futbolçusu sarı vərəqə aldığı üçün 700 manat cərimə edilib. “Difai” – “Sumqayıt” oyununun 83-cü dəqiqəsində “Difai”nin 77 nömrəli futbolçusu Roman Hüseynov ikinci "sarı"dan qırmızı vərəqə aldığı üçün 1 oyunluq cəzalandırılıb, klub 150 manat cərimə edilib. “Araz-Naxçıvan” – “Kəpəz” oyununda “Kəpəz” 5 futbolçusu sarı vərəqə aldığı üçün 700 manat cərimə edilib.

Misli premyer-liqasının 14-cü turunda keçirilən “Sabah” – “Neftçi” oyununda “Neftçi” azarkeşləri tərəfindən oturacaqlar sındırıldığına, stadiona zərər vurulduğuna və bu hal cari mövsümdə ikinci dəfə təkrarlandığına görə klub 5000 manat cərimə edilib. “Sumqayıt” – “İmişli” oyununun 90+13-cü dəqiqəsində “Sumqayıt”ın məşqçisi Veliçko Kaplanoviç oyunun bərpasını ləngitdiyinə görə birbaşa qırmızı vərəqə aldığı üçün 1 oyun cəzalandırılıb, klub 1000 manat cərimə edilib. Oyunda “İmişli” 4 futbolçusu sarı vərəqə aldığı üçün 700 manat cərimə edilib.