Bilindiyi kimi, “Nyukasl”ın “maliyyə feyr pleyi” qaydası ilə bağlı problemi var.

"Football-plus.az" xəbər verir ki, bu səbəbdən İngiltərə klubu yayda bir sıra oyunçularını sata bilər. “Nyukasl”ın müdafiəçisi Luis Holl İngiltərə nəhənglərinin diqqət mərkəzinə düşüb.

“Caught Offside” nəşrinin məlumatına görə, “Çelsi” və “Arsenal” arasında 21 yaşlı futbolçu uğrunda transfer mübarizəsi gedir. Gənc oyunçunun müqaviləsində sərbəstqalma bəndi yer almadığı üçün “Nyukasl”ın gənc oyunçu üçün ən azı 50-55 milyon funt sterlinq tələb edəcəyi bildirilir.

Luis bu mövsüm iştirak etdiyi 42 oyunda 1 qol və 2 məhsuldar ötürmə ilə yadda qalıb. Onun klubu ilə müqaviləsinin müddəti 2029-cu ilə qədərdi.