Elvin Yunuszadə hardadı?

“Karvan-Yevlax”ın “Kəpəz”i darmadağın etdiyi oyunda kapitan sarğısı Vadim Abdullayevin qolunda idi. “Qarabağ” önündəki darmadağının iştirakçısı olan Elvin Yunuszadə isə nə start heyətindəydi, nə də ehtiyat oyunçular skamyasında.

Maraqlıdı ki, həftə boyunca da onun hansısa səbəbdən oyunu buraxacağı haqda nəsə deyilməmişdi. Onda ortaya belə sual çıxır: Elvin hardadı?

Oyunsonrası iclasda Elvinin baş məşqçi Fizuli Məmmədova cavab qaytarması, məhz bu üzdən heyətə salınmaması haqda da söhbətlər var. Heç bir cəzası olmayan təcrübəli müdafiəçinin meydanda olmamasının səbəbii klubun mətbuat katibi Bəhruz Musayevdən soruşduq. Onun dediyinə görə, oyundan əvvəl Yunuszadə zədələnib. Futbolçu ilə heç bir problemi olmayan Fizuli Məmmədov risk etməmək üçün onun adını protokola da salmayıb.

33 yaşlı müdafiəçi bu mövsüm 19 oyunda meydanda olub. Sarı vərəqə limiti səbəbindən bir oyunu buraxıb.

MÜZƏFFƏR QULUZADƏ