"Oyuna Əliyar Ağayevin təyinat aldığını öyrənəndə başımıza belə şeylərin gələcəyindən şübhələndik. Biz suyu oturaraq içən hakimlərdən canımızı qurtarmalıyıq. Eybi yox, suyu uzanaraq, tək ayaq üstə içsinlər, amma haqqımızı içməsinlər. Birillik əziyyətimiz bir gündə yerə vurulur. Bunlar dəyişməlidi. Xüsusilə Əliyar "Turan Tovuz"un oyunlarına təyinat alanda belə halları gözləyirdik. Çempionatdakı oyunda səhv etmişdi. İnsanıq da. Bizə mesaj göndərildi ki, səhv etmişəm. Futbolçuların alın təri, bizim haqqımız Əliyarın haramı olsun. Rəqibin qələbəsinə kölgə salmaq istəmirəm. Amma futbolda belə hallar olmamalıdı. Bəzi şeyləri dilə gətirməliyik. Danışmadıqca, səssiz qaldıqca Əliyarkimilər oyunları belə idarə edəcək, futbolumuzu bu günə qoyacaq. Belədə yatırım etməyin, əziyyət çəkməyin mənası yoxdu. Azərbaycan futbolunun Əliyarkimilərdən canı qurtarmalıdı. Epizodları hamı gördü. Futbol ictimaiyyətinin baxmasını, "Turan Tovuz" azarkeşlərinin səssiz qalmamasını istəyirəm. Bu il əziyyətimiz boşa gedir. İki təlim-məşq toplanışı keçirmişik, çoxlu investisiya etmişik, amma Əliyarkimilər oynamağımıza imkan vermir".