''Təbii ki, ''Fənərbaxça'' heyət baxımından bizdən çox üstündü və onların favorit sayılması normal idi. Biz nəticə əldə etmək üçün qüsursuz oynamalı, günümüzdə olmalı və şans da yanımızda olmalıdı idi. ''Fənər'' isə bunların tam əksini yaşamalı idi. Həmin gün məhz bunlar yaşandı. Çox sevindik. Amma oyundan sonra şərhçilər tərəfindən, eləcə də sosial şəbəkələrdə səsləndirilən fikirlər məni çox üzdü. Onlar ''Fənərbaxça''nı aşağılamağa çalışarkən əslində bizi onlardan da çox aşağıladılar. Sanki biz futbol komandası deyilik və küçədən, restorandan yığdığımız 11 nəfərlə çıxıb onları məğlub etdik. Amma bizimkilər də peşəkar futbolçulardı. Mənim qapıçım ''Atletiko''da, premyer-liqada oynayıb. Sağ müdafiəçim ''Sportinq''də çıxış edibsə, sol müdafiəçim Serbiya yığmasının üzvüdü. Mərkəz müdafiəçim Çili yığmasında oynayır. Sonuncu pillədə qərarlaşsaq da, bu durum bizim real gücümüzü əks etdirmir. İlk dövrədə də ''Fənər''ə qarşı yaxşı oynamışdıq. Eləcə də öz meydanımızda ''Qalatasaray''a layiqli müqavimət göstərmişdik. Bu qələbə bizim üçün kiçik bir ümid işığı oldu. Hesabda olmayan yerdən 3 xal qazandıq. İnşallah mövsümün sonunda istədiyimiz yerdə olarıq. Olmasaq da, yenidən qayıtmağa çalışacağıq. Gələn mövsüm güclü heyət qurub və 20-30 xallıq fərq atıb yenidən qayıdarıq''.