Sərgən Yalçın qarşıdan gələn derbi haqda nələr dedi?
Türkiyə çempionatında həftəsonu mövsümün son böyük İstanbul derbisi baş tutacaq.
''Football-plus.az'' xəbər verir ki, ''Fənərbaxça'' ''Beşiktaş''ı qəbul edəcək. Az da olsa, çempionluq şansı davam edən Joze Mourinyonun komandası bu mövsüm derbilərdə ilk qələbəsini qazanmağa çalışacaq.
Bu arada hazırda futbol şərhçisi kimi çalışan Sərgən Yalçın derbi ilə bağlı açıqlamalar verib. Tez-tez qonağı olduğu ''Kafa Sports'' adlı ''yutub'' kanalına açıqlamalar verən Yalçın bunları deyib:
''Fənərbaxça''nı öz meydanında oynadığı üçün favorit saymaq olar. Ancaq bu mövsüm ''Fənər''in yuxarı pillələrdə qərarlaşan rəqiblərə qarşı necə oynadığını bilirik. İlk ''5-lik''də yer alan klubların heç birini məğlub edə bilməyib. Ona görə də bu oyunda heç kim ''Fənərbaxça''nın rahat qələbə qazanacağını iddia edə bilməz. Əvvəlki illərdə ''Beşiktaş''ın Kadıköydə önəmli qələbələri olub. ''Fənərbaxça'' üçün faktiki olaraq mövsümün ən hellidici məqamıdı. ''Beşiktaş''ı məğlub edə bilməsələr, artıq heç bir çempionluq intriqası qalmayacaq''.
