FİFA düya çempionatı zamanı yaşanan arzuolunmaz hallarla bağlı ölçü götürüb. Üç federasiyaya cərimə kəsilib.

Football-plus.az xəbər verir ki, Serbiya Futbol Federasiyası (SFF) 70 min İsveçrə frankı cərimələnib. Buna Serbiya millisinin qrup mərhələsinin 1-ci turunun Braziliya ilə oyunundan (0:2) əvvəl paltardəyişmə otağında Kosovonun üzərində “Təslim olma” sözlərinin yazıldığı dövlət bayrağının asılması səbəb olub. Buna görə SFF 20 min İsveçrə frankı məbləğində cərimə ödəməli olacaq. Federasiya azarkeşlərin tribunada üzərində siyasi şüarlar olan pankart açmasına görə isə 50 min İsveçrə frankı məbləğində cərimələnib.

Xorvatiya yığmasının azarkeşlərinin qrup mərhələsinin 2-ci turunun Kanada ilə oyununda (4:1) yolverilməz davranışları federasiyanı 20 min İsveçrə frankı geri salıb.

Səudiyyə Ərəbistanının futbol qurumu isə 30 min İsveçrə frankı cərimə ödəyəcək. Bunun səbəbi milli komandanın qrup mərhələsinin Argentina (2:1) və Meksika (1:2) ilə matçlarında 6 sarı vərəqə almasıdı.