"Barselona"nın yarımmüdafiəçisi Qavi ağır diz zədəsindən sonra yaşıl meydanlara qayıtsa da, onun İspaniya millisinə çağırılacağı xəbəri klubda narahatlıq yaradıb.

"Football-plus.az" xəbər verir ki, yeddi aylıq fasilədən sonra cəmi bir matçda ("Sevilya" ilə görüşdə 8 dəqiqə) iştirak edən 21 yaşlı futbolçunun mart toplanışına dəvət alacağı gözlənilir.

Bildirilir ki, bu xəbər "Barselona"nın baş məşqçisi Hans-Diter Fliki qəzəbləndirib. O, hələ tam oyun ritmi qazanmayan Qavinin riskə atılmasının əleyhinədi.

Xatırladaq ki, Flik daha əvvəl Lamin Yamalın milli komandada həddindən artıq yüklənməsinə görə İspaniya yığmasının rəhbərliyinə öz narazılığını kəskin şəkildə bildirib.