Mövsümlərarası fasilədə heyətində islahatlar həyata keçirməyə hazırlaşan “Qarabağ”dan ayrılacaq ilk futbolçunun adına aydınlıq gəlib.

“Football-plus.az”ın əldə etdiyi məlumata görə, baş məşqçi Qurban Qurbanov Ramil Şeydayevlə yolların ayrılmasına razılıq verib. Buna təcrübəli hücumçunun növbəti dəfə şans verilsə də, ümidləri doğrultmaması səbəb olub. Düzdü, onun hələ 29 yaşı var. Lakin məşqlərdə də istəkli görünməyən futbolçudan fayda görüləcəyinə inam azdı.

Xatırladaq ki, Ramil 2017-18 və 2021-23-cü illərdə də Ağdam təmsilçisinin şərəfini qoruyub. O, karyerası ərzində həm də “Zenit”, “Rubin”, “Krılya Sovetov”, Moskva “Dinamo”su (hamısı Rusiya), “Trabzonspor”, “Kocaelispor” (hər ikisi Türkiyə), “Jilina” (Slovakiya), “Buriram Yunayted” (Tayland), ölkəmiz də isə “Sabah” və “Neftçi”də tər töküb. Şeydayev əsas millidə keçirdiyi 69 oyunda 10 qol vurub.

KƏNAN BAHADIR