2021-ci ildən “Qarabağ”ın şərəfini qoruyan Ramil Şeydayevin müqaviləsinin müddəti bu ilin yayında, daha dəqiq desək, iyunun 30-da başa çatır.

Ağdam təmsilçisi yığmanın da şərəfini qoruyan futbolçuya yeni müqavilə təklif etsə də o hələ ki, buna qarşılıq verməyib. Heç kimə sirr deyil ki, “Zenit”in yetirməsinin bu gün üzdə olmasında Qurban Qurbanovun müstəsna xidməti var. Şeydayev “Qarabağ”a qədər “Trabzonspor”, “Jilina”, “Krılya Sovetov”, Moskva “Dinamo”su, “Sabah” kimi klubların şərəfini qorusa da futbolçu kimi inkişafında Qurbanova minnətdar olmalıdı. Bəs Ramil niyə “Qarabağ”ın yeni təklifinə “hə” deməyə tələsmir, nəyi gözləyir?

Bu məsələ bağlı etibarlı mənbədən Football-plus.az saytına ilginc məlumat daxil olub. Mənbəmizin sözlərinə inansaq, Şeydayevin yeni anlaşmaya qol çəkməyə qoymayan Riad Rəfiyevdi. “Sumqayıt”ın prezidenti eyni zamanda futbolçunun agentidi. Prezident-agent isə ona tələsik qərar verməməyi, yayı gözləməyi məsləhət bilib. Rəfiyev futbolçuya daha yaxşı şərtlər altında Avropadan klub tapacağını vəd edib.

RAMİL