Elliot Anderson yayda klubunu dəyişmək şansına malikdi.

"Football-plus.az" xəbər verir ki, “Mançester Siti” rəhbərliyi “Nottingem Forest”in yarımmüdafiəçisini hədəfə aıb. İngiltərə nəhəngi 23 yaşlı futbolçunu Rodri üçün uzunmüddətli əvəzləyici kimi nəzərdən keçirir. Lakin bu transfer cəhdləri birbaşa ispaniyalı ulduzun komandadan ayrılıb-ayrılmayacağından asılı olacaq.

Elliott cari mövsümdə premyer-liqa və Avropa Liqası daxil olmaqla meydana çıxdığı 37 matçda 2 qol və 3 məhsuldar ötürmə ilə yadda qalıb. Onun klubu ilə müqaviləsinin müddəti 2029-cu ilin yayına qədərdi.