Dünən əvəzedicilər liqasında 18-ci tura start verilib.

"Football-plus.az" xəbər verir ki, son iki turda “Qarabağ”la “Neftçi”ni məğlub edən “Qəbələ” bu dəfə “Kəpəz”i çətinliklə də olsa, üstələyə bilib. “Araz-Naxçıvan” 3 qol vursa da, qalib gələ bilməyib. Ona görə ki, “Sumqayıt” naxçıvanlıların qapısından 4 top keçirib.

Yeri gəlmişkən, mərhum mətbuat və informasiya naziri Sirus Təbrizlinin nəvəsi məhz bu oyunda əvəzedicilər liqasında debüt edib. Babasının ad-soyadını daşıyan Sirus Təbrizli 46-cı dəqiqədə meydana çıxıb. 20 yaşlı yarımmüdafiəçi müqavilə üzrə "Qarabağ-2"yə məxsusdu, "Şamaxı-2"də icarə əsasında çıxış edir.

Turun mərkəzi qarşılaşmasında “Neftçi” lider “Zirə”ni məğlub edərək 1-ci pilləyə yüksəlib. Sənan Qurbanovun 79-cu dəqiqədə vurduğu qol “ağ-qaralar”a vacib üç xal qazandırıb.

Turun son iki oyunu bu gün keçirilib. “Turan Tovuz” “Sabah”ı (1:2), “Qarabağ” “Şamaxı”nı (0:1) qəbul edib.

Əvəzedicilər liqası, 16-cı tur
2 mart
Kəpəz-2 - Qəbələ-2 1:2
Amur Yusifov, 79 - Rəvan Əsədov, 25. Qədir Ramazanov, 89.

Araz-Naxçıvan-2 - Sumqayıt-2 3:4
Nuran Muradlı, 6. İftixar İbrahimov, 54. İbrahim Piriyev, 82 - Kamal Zülfiyev, 5. Ruslan Əliyev, 45+1. Rəvan Mustafayev, 70-öz qapısına. Elgün İsaqov, 75.

Neftçi-2 - Zirə-2 1:0
Ömər Qurbanov, 79.

3 mart
Turan Tovuz-2 - Sabah-2 1:2
Vüqar Bağırov, 87 - Ramil Nuraxmedov, 76. Amir Qəribov, 84
Gəncə. Şəhər stadionu (ehtiyat meydança). Saat 14.00.

Qarabağ-2 - Şamaxı-2 0:1
Davud Mənsumov, 45
Qırmızı vərəqə: Davud Mənsumov (Şamaxı), 52.
Binə. Qəsəbə stadionu. Saat 14.30.

Xal durumu: Sabah-2 - 38, Neftçi-2, Qəbələ-2 - 37, Zirə-2 - 36, Qarabağ-2 - 25, Sumqayıt-2 - 21, Turan Tovuz-2 - 19, Araz-Naxçıvan-2 - 15, Şamaxı-2 - 14, Kəpəz-2 - 13.

Bombardir: Elçin Qasımov (Turan Tovuz) - 12.

MÜZƏFFƏR QULUZADƏ