Şənbə günü start götürən əvəzedicilər liqasında 4-cü tura dünən yekun vuruldu.

Turun ilk günündə cəmi bir oyun keçirildi. Autsayder “Səbail” doğma meydanda “Kəpəz”lə üz-üzə gəldi. Bayıl təmsilçisi yeni mövsümdə ilk qələbəsini 3 qolla qazandı.

Srağagün turun daha iki qarşılaşması baş tutdu. “Qarabağ” doğma meydanda liqanın liderlərindən olan “Turan Tovuz”u qəbul etdi. Tovuzun əvəzediciləri də əsas komandanın davamçısı olaraq, bu görüşdən qələbə ilə ayrıldı, turnir cədvəlində zirvəyə yüksəldi. “Köhlən atlar” isə məğlubiyyətlə 7-ci pilləyə yuvarlandı. Turun ən məhsuldar oyunu “ASK Arena”da keçirildi. “Araz-Naxçıvan” – “Neftçi” matçında qapılara nə az, nə çox - 6 qol vuruldu. Buna baxmayaraq, qalib müəyyənləşmədi. “Ağ-qaralar” 2-ci yeri “Sabah”la bölüşür.

Dünən keçirilən daha iki oyunla tura yekun vuruldu. İlk “üçlük”də qərarlaşan komandalardan daha biri olan “Sumqayıt” Masazır səfərindən məğlubiyyətlə döndü. “Zirə” isə autsayderlərdən sayılan “Şamaxı” ilə səfər oyununda qolsuz bərabərliyə razılaşdı.

24 avqust
Səbail-2 – Kəpəz-2 3:0
Teymur Məmmədov, 33. Oruc Məmmədov, 90+1 – Rəvan Abasov, 90+2.

25 avqust
Qarabağ-2 – Turan Tovuz-2 0:3
Arzu Mədətov, 28. Elçin Qasımov, 47; 56.

Araz-Naxçıvan-2 – Neftçi-2 3:3
Elcan Məmmədov, 57; 75. Turan Vəlizadə, 90+4-p – Fərhad Fərhadlı, 22; 45+1. Həbib İsmayılov, 81.

26 avqust
Sabah-2 – Sumqayıt-2 1:0
Oluvaseun Timilehin, 63.

Şamaxı-2 – Zirə-2 0:0

1. Turan Tovuz-2 4 3 0 1 9-4 9
2. Neftçi-2 4 2 1 1 8-6 7
3. Sabah-2 4 2 1 1 6-6 7
4. Sumqayıt-2 4 2 0 2 7-6 6
5. Araz-Naxçıvan-2 4 1 3 0 6-5 6
6. Zirə-2 4 1 2 1 5-3 5
7. Qarabağ-2 4 1 2 1 6-6 5
8. Səbail-2 4 1 0 3 4-6 3
9. Kəpəz-2 4 1 0 3 3-11 3
10. Şamaxı-2 4 0 3 1 3-4 3

Bombardirlər: Elçin Qasımov (Turan Tovuz-2) – 4, Elcan Məmmədov (Araz-Naxçıvan-2) – 3.