Dünən əvəzedicilər liqasında 3-cü tura start verilib.

"Football-plus.az" xəbər verir ki, turun ilk günündə cəmi bir oyun keçirilib. “Şamaxı” doğma meydanda “Qarabağ”dan üstün olmağa çalışsa da, "sülh" qeydə alınıb - 1:1.

Bu gün daha iki qarşılaşma baş tutacaq. Lider “Turan Tovuz” səfərdə “Kəpəz”lə üz-üzə gələcək. Yeni mövsümdə ilk xalını qazanmaq istəyən “Kəpəz” kimi, “Səbail” də çətin sınaq qarşısındadı. Bayıl təmsilçisi “Sumqayıt”ın qonağı olacaq. Birisigün keçiriləcək iki qarşılaşmayla tura yekun vurulacaq. Turun sonuncu oyun günündə “Zirə” “Araz-Naxçıvan”ı qəbul edəcək. Hesabında 4 xal olan “Sabah” isə eyni xal durumuna malik olan “Qarabağ”la “Araz-Naxçıvan”ı geridə qoymaq hədəfi ilə “Neftçi”ylə qarşılaşacaq.

18 avqust
Kəpəz-2 – Turan Tovuz-2
Gəncə. Şəhər stadionunun ehtiyat meydançası. Saat 17.00.

Sumqayıt-2 – Səbail-2
Sumqayıt. “Kapital Bank Arena”nın ehtiyat meydançası. Saat 17.30.

19 avqust
Zirə-2 – Araz-Naxçıvan-2
Bakı. “ASK Arena”. Saat 18.00.

Neftçi-2 – Sabah-2
Bakı. “Neftçi Futbol Mərkəzi”nin 4-cü meydançası. Saat 18.00.

17 avqust
Şamaxı-2 – Qarabağ-2 1:1
Səbayıl Bağırov, 90+5 – Mahmud Ağayev, 4.
Şamaxı. Şəhər stadionu. Saat 17.00.

Xal durumu: Turan Tovuz-2 – 6, Qarabağ-2 - 5, Sabah-2, Araz-Naxçıvan-2 – 4, Zirə-2, Sumqayıt-2, Neftçi-2 – 3, Şamaxı-2 – 2, Səbail-2, Kəpəz-2 – 0.

Bombardirlər: Nicat Quliyev (Araz-Naxçıvan-2), Elşad Tağıyev (Şamaxı-2), Məzahir Məmmədzadə (Turan Tovuz-2), Elçin Qasımov (Turan Tovuz-2), Elşən Abdullayev (Zirə-2) – 2.