“Neftçi” Şamaxı səfərində son dəqiqədə gələn penalti qolu ilə qələbəni əldən verdi - 2:2.

Qonaqların baş məşqçisi Yuri Vernidub oyundan sonra media önünə çıxdı.

- Xoş gününüz olsun, amma xoş gün deyil. Oyun haqda şərh vermək istəmirəm. Cavabdeh olan Hakimlər Komitəsi şərh versin.

- Penalti epizodu ilə bağlı fikriniz?
- Bilmirəm, nə deyim. Qərar tam əksinə oldu.

- Abubakarın meydana çıxması gec olmadı?
- Fərq olmayacaqdı. Öz işini gördü. Sambunu da, Abubakarı da təbrik edirəm. Hakimlik hər yerdə belədi. Komandalar üçün ən məyusedici məqamdı. Üzülürəm. Sanki bizim yaxşı nəticə göstərməyimizi istəmirlər. Biz davam edəcəyik. Bizdə iradə var. Ancaq güclülər yoluna davam edir. Sizdən üzr istəyirəm, suallarınıza cavab verməyəcəm, başqa vaxt ətraflı danışarıq.

MÜZƏFFƏR QULUZADƏ