Turun açılış oyununda “Maynts-05” Dortmunda səfər etmişdi. Urs Fişerin təyinatından sonra inanılmaz yüksəlişə keçən, 8 oyunun yalnız birində uduzan “karnavalçılar” gözlənilmədən “Borussiya” önündə pərən-pərən düşdü. Əla formada olan, bundesliqada qələbə seriyası 6, məğlubiyyətsiz seriyası 15 oyuna yüksələn “Borussiya”nın növbəti tur “Der Klassiker”dəki performansını səbirsizliklə gözləməyə dəyər.

"Football-plus.az" xəbər verir ki, favoritlər ümidləri doğrultdu. “Bavariya”, gözlənildiyi kimi, Bremendə ciddi müqavimətlə üzləşməyərək artıq fasiləyə qədər bütün suallara aydınlıq gətirdi. Münhen nəhəngi bundesliqada ardıcıl 2-ci, mövsümdə isə 14-cü böyükhesablı qələbəsini qazandı.

Məhsuldarlıq baxımından az qala hər tur yeni rekord müəyyənləşdirən “rekordmayster” 22-ci turu 82 qolla tamamalamaqla yenə adını tarixə yazdırdı. “Sankt Pauli” iki həftə öncə kubok matçında olduğu kimi yenə Leverkuzen səfərində böyük hesabla uduzdu. Yeganə fərq ondadı ki, hamburqlular həmin vaxt 3 cavabsız top buraxmışdılarsa, bu dəfə 4 cavabsız qol buraxdılar. “Bayer-04”ün heyətində iki mərkəz müdafiəçisinin – Kuansa ilə Tapsobanın qol vurması diqqəti çəkdi. Əla mövsüm keçirən və qarşısına ÇL-ə vəsiqə qazanmaq hədəfi qoyan “Hoffenhaym” növbəti parlaq qələbəsini qazandı. Zədədən qayıdandan sonra yavaş-yavaş əvvəlki formasını bərpa edən və mövsümdə 3-cü qolunu vuran türkiyəli mərkəz müdafiəçisi Ozan Kabakın artıq martda yığmaya dönəcəyi gözlənilir. Debütant “Hamburq” “Union”u evə əliboş yola salmaqla ardıcıl 2-ci qələbəsini qazandı. “Dinozavrlar”ın, ümumiyyətlə, son 5 turda məğlubiyyəti yoxdu.

Albert Rieranın “Ayntraxt”a gəlişi hələ ki özünü doğruldur. Ötən tur 4 oyunluq məğlubiyyət seriyasına son qoyan Frankfurt klubu bu dəfə evdə Münhenqladbax “Borussiya”sını darmadağın etməklə, nəhayət, fanatlarını sevindirdi. Bu, “Ayntraxt”ın son iki ayda ilk qələbəsidi! Komanda son qələbəsini dekabrın 13-də evdə “Auqsburq”la oyunda əldə etmişdi (1:0). “Ştutqart” “Köln”ün müqavimətini son 10 dəqiqədə vurduğu qollarla qırdı. “Keçilər”in oktyabrın əvvəllərindən bəri səfərdə qələbəsi yoxdu.

Bazar günü “Haydenhaym”ı yenən “Auqsburq”un evdəki məğlubiyyətsiz seriyası 7 oyuna yüksəldi. Tura Leyptsiqdə yekun vuruldu. Ötən həftə kubokda “Bavariya”ya uduzmaqla mübarizəni dayandıran “Leyptsiq” “Volfsburq”la ev oyununda 1 xala şükür etməli oldu. “Öküzlər”in son vaxtlar evdə nəticələri ürəkaçan deyil. Komanda bundesliqada son 5 ev oyununun yalnız birində qalib gəlib.

22-ci tur
Verder – Bavariya 0:3
Keyn, 22-p.; 25. Qoretska, 70. (42100)
Bavariya: Noyer (Urbiq, 46), Laymer, Kim Min Ce, Ta, Stanişiç (Devis, 69), Qoretska, Kimmix (Bişof, 76), Karl, Qnabri (Musiala, 69), Dias, Keyn (Cekson, 86).

Borussiya D – Maynts-05 4:0
Girassi, 10; 42. Bayer, 15. Bensebayni, 84. (81365)
Borussiya: Kobel, Ryuyerson, Zyule (Reccyani, 46), Anton, Bensebayni, Svensson, Bellingem, Nmeça (Zabitser, 74), Bayer (Fabio Silva, 61), Brandt (Çukvuemeka, 61), Girassi (Adeyemi, 74).

Bayer-04 – Sankt Pauli 4:0
Kuansa, 13. Şik, 14. Tapsoba, 52. Poku, 78. (30210)
Bayer-04: Blasvix, Vaskes (Artur, 59), Kuansa, Andrix, Tapsoba, Qrimaldo (Hofmann, 72), A.Qarsiya, Palasios (Terrye, 80), Maza (Tillman, 46), Poku, Şik (Kofane, 59).

Ayntraxt F – Borussiya M 3:0
Braun, 24. Amaimuni, 34. Knauff, 75. (59500)
Ayntraxt: Santos, Doan, Kristensen (Kollins, 46), Amenda, Kox, Braun, Larsson (Skiri, 79), Götse (Knauff, 70), Amaimuni (Arrhov, 79), Bahoya, Kalimuendo (Mahmu Dahud, 17).

Leyptsiq – Volfsburq 2:2
Diomande, 70. Qruda, 89 – Amura, 52. Svanberq, 78. (35787)
Leyptsiq: Qulaçi (Vandervoordt, 29), Henrixs (Baku, 63), Orban, Zayvald (Likeba, 82), Finkqrafe, Şlager, Baumqartner, Qruda, Diomande, Nusa (Bakayoko, 82), Harder (Romulo, 63).

Ştutqart – Köln 3:1
Demiroviç, 15; 84. Dəniz Undav, 90+2 – Axe, 79. (60000)
Ştutqart: Nübel, Assinyon (Vaqnoman, 77), Yeltş, Şabo, Mittelştadt (Hendriks, 77), A.Karazor, Andres (Ştiller, 83), Levelinq (Tomas, 84), Dəniz Undav, Fürix (Əl-Xannus, 70), Demiroviç.

Hoffеnhaym – Frayburq 3:0
Asllani, 46. Ozan Kabak, 51. Jandre, 90+5. (22679)

Hamburq – Union 3:2
Keniqsdorffer, 35; 82. Kapaldo, 45+2 – Kverfeld, 28-p. İliç, 89. (57000)

Auqsburq – Haydenhaym 1:0
Klod-Moris, 80. (30107)

1. Bavariya 22 18 3 1 82-19 63
2. Borussiya D 22 15 6 1 47-20 51
3. Hoffenhaym 22 14 3 5 47-28 45
4. Ştutqart 22 13 3 6 41-29 42
5. Leyptsiq 22 12 4 6 42-30 40
6. Bayer-04 21 12 3 6 43-27 39
7. Ayntraxt F 22 8 7 7 44-46 31
8. Frayburq 22 8 6 8 32-36 30
9. Hamburq 21 6 7 8 24-31 25
10. Union 22 6 7 9 28-37 25
11. Auqsburq 22 7 4 11 25-39 25
12. Köln 22 6 5 11 31-37 23
13. Borussiya M 22 5 7 10 25-37 22
14. Maynts-05 22 5 6 11 25-37 21
15. Volfsburq 22 5 5 12 31-46 20
16. Verder 22 4 7 11 22-42 19
17. Sankt Pauli 22 4 5 13 20-39 17
18. Haydenhaym 22 3 4 15 19-48 13

Bombardirlər: Keyn (Bavariya) – 26, Dias (Bavariya) – 13, Dəniz Undav (Ştutqart) – 12, Girassi (Borussiya D) – 11.

Növbəti turun oyunları fevralın 20-22-si aralığında keçiriləcək: Frayburq – Borussiya M, Union – Bayеr-04, Volfsburq – Auqsburq, Bavariya – Ayntraxt F, Haydenhaym – Ştutqart, Leyptsiq – Borussiya D, Sankt Pauli – Verder, Maynts-05 – Hamburq, Köln – Hoffеnhaym.

Turun rəqəmi
500 – qoldan doymayan Harri Keyn Bremendə dubl etməklə karyerasında daha bir mühüm uğura nail oldu. Belə ki, ünlü forvard peşəkar karyerasında vurduğu qolların sayını 500-ə çatdırdı! Maraqlıdı ki, Keyn bunlardan 100-nü penaltidən vurub.

Turun ulduzu
Yulian Ryuyerson (Borussiya D) – “Maynts-05”lə oyun norveçli cinah müdafiəçisinin benefisinə çevrildi. Ryuyerson bütün qollarda yaxından iştirak edərək hesabına 4 məhsuldar ötürmə yazdı. Son 20 ildə bundesliqada bunu yalnız dörd futbolçu bacarmışdı. Bu müddətdə “Borussiya”nın heyətində isə bunu yalnız bir futbolçu – ötən il Paskal Qross bacarmışdı. Özü də Ryuyerson ilk 3 məhsuldar ötürməni birinci hissəyə sığışdırdı ki, XXI əsrdə “arılar”ın heç bir futbolçusu belə performans sərgiləməmişdi! Ryuyerson özü isə buna qədər bundesliqada bir oyunda maksimum bir qolun vurulmasında yaxından iştirak etmişdi.

Turun sitatı
Vensan Kompani, “Bavariya”nın baş məşqçisi: