Tur “Leyptsiq”in səfərdə “Volfsburq”u məğlub etməsi ilə start götürdü.

"Football-plus.az" xəbər verir ki, baş məşqçi dəyişikliyindən sonra nəticələri düzəlməyə başlayan “öküzlər” ardıcıl 2-ci qələbə sayəsində “ÇL zonası”na yüksəldi. Birdən-birə böhrana düşən “canavarlar”ın isə ardıcıl 4-cü turu xalsız tamamladığını bildirək.

Digər matçlarda da maraqlı nəticələr qeydə alındı. Deyəsən, “Bayer-04” titulu qoruya biləcəyinə artıq özü də inanmır. Xabi Alonsonun komandası son həftələrdə hücumda ciddi problemlər yaşayır. Leverkuzen klubu ötən həftə səfərdə “Haydenhaym”ı son anlarda gələn qolla məğlub etmişdisə, bu dəfə evdə iddiasız “Union”un müqavimətini qıra bilmədi. Paytaxt təmsilçisinin məğlubiyyətsiz seriyası 5 oyuna yüksəldi. “Frayburq”, “Auqsburq”, “Sankt Pauli” və “Verder”in səfər qələbələri diqqəti çəkdi. Özü də bu qələbələr, demək olar, eyni ssenari ilə əldə olundu. Bu 4 komandanın hər biri qələbə qolunu 90-cı dəqiqədən sonra vurdu! Deyəsən, ÇL-ə düşmək perspektivi “Maynts-05”i yaman qorxutdu. Səfərdə “Hoffenhaym”a uduzan “karnavalçılar” ardıcıl 4-cü turda qələbəyə həsrət qalmaqla “ÇL zonası”nı tərk etdi. Halbuki bu komanda 25-ci turu 3-cü pillədə tamamlamışdı.

“Kəndçilər”dən başqa bu tur evdə qalib gələn digər komanda “Ayntraxt” oldu. AL-də “Tottenhem”lə cavab oyunu ərəfəsində “Haydenhaym”ı darmadağın edən Frankfurt təmsilçisi 3-cü pillədəki mövqeyini bir qədər də gücləndirdi. Turun bəzəyi sayılan “Der Klassiker”də isə bütün maraqlı hadisələr 2-ci hissəyə təsadüf etdi. “Bayer-04” bu tur xal itirdiyindən Münhen nəhəngi bu oyuna rahat çıxmışdı. Amma qonaqların 2-ci hissənin əvvəllərində vurduğu qol “rekordmayster”i hücumda fəallaşmağa vadar etdi. Kompaninin əvəzetmələri də işə yaradı. Sonradan meydana çıxan futbolçuların qısa müddət ərzində vurduğu qollar sayəsində “Bavariya” məğlub durumdan qalib duruma keçdi. Amma qələbə hesabını qorumaq mümkün olmadı. Hücuma qoşulan mərkəz müdafiəçisi Anton qapıçının qaytardığı topu tora göndərməklə “arılar”ı məğlubiyyətdən xilas etdi.

Beləliklə, zirvədə 6 xallıq fərq dəyişmədi və “Bavariya” çempionluğa bir addım da yaxınlaşdı. “Borussiya”nın ardıcıl 3-cü “Der Klassiker”də uduzmaması diqqəti çəkdi (2 qələbə, 1 heç-heçə). Bu, 2013-dən, yəni Yürgen Kloppun dönəmindən bəri dortmundluların prinsipial rəqibə qarşı ən yaxşı seriyasıdı.

29-cu tur
Bavariya – Borussiya D 2:2
Gerreyro, 65. Qnabri, 69 – Bayer, 48. Anton, 75. (75000)
Bavariya: Urbiq, Laymer, Dayer, Kim Min Ce (Gerreyro, 54), Stanişiç, Kimmix, Qoretska (Pavloviç, 63), Olise, Müller (Koman, 81), Sane (Qnabri, 63), Keyn.
Borussiya: Kobel, Ryuyerson, Zyule (Bensebayni, 81), Anton, Əmrə Can, Svensson, Salih Özcan (Çukvuemeka, 71), Qross, Brandt (Nmeça, 71), Bayer (Adeyemi, 81), Girassi.

Bayеr-04 – Union 0:0
(30000)
Bayer-04: Qradetski, Frimponq, Tapsoba (Artur, 74), Ta, İnkapye, Qrimaldo (Bonifeys, 74), Caka, Qarsiya (Virts, 57), Palasios (Y.Hofmann, 86), Tella (Adli, 46), Şik.

Volfsburq – Leyptsiq 2:3
Fişer, 58. Skov Olsen, 75 – Openda, 11. Simons, 26; 49. (25000)
Leyptsiq: Qulaçi, Nedelkoviç (Qeertruyda, 75), Klostermann, Bitşiabu, Lukeba, Zayvald, Vermeeren (Kampl, 71), Baku (Baumqartner, 71), Simons (Aydara, 75), Şeşko, Openda (Poulsen, 77).

Ayntraxt F – Haydenhaym 3:0
Bahoya, 10. Kox, 42. Ekitike, 71. (57500)
Ayntraxt: Santos, Kristensen (Kollins, 61), Kox, Tuta, Teate, Skiri, Höylunn (Larsson, 70), Çaibi, Can Uzun (Braun, 61), Bahoya (Götse, 70), Ekitike (Vahi, 76).

Hoffеnhaym – Maynts-05 2:0
Kramariç, 4; 32. (20000)

Ştutqart – Verder 1:2
Sterjiu, 19 – Berk, 32; 90. (60000)

Borussiya M – Frayburq 1:2
Günter, 14-öz qapısına – Osterhaqe, 16. Manzambi, 90. (51000)

Bohum – Auqsburq 1:2
F.Hofmann, 60 – Essende, 16. Mərt Kömür, 90. (25000)

Holştayn – Sankt Pauli 1:2
Bernardsson, 21 – Sinani, 34. Geşvill, 90+2. (15034)

1. Bavariya 29 21 6 2 83-29 69
2. Bayer-04 29 18 9 2 63-34 63
3. Ayntraxt F 29 15 6 8 58-42 51
4. Leyptsiq 29 13 9 7 47-37 48
5. Maynts-05 29 13 7 9 46-34 46
6. Frayburq 29 13 6 10 40-45 45
7. Borussiya M 29 13 5 11 46-43 44
8. Borussiya D 29 12 6 11 54-45 42
9. Verder 29 12 6 11 47-54 42
10. Auqsburq 29 11 9 9 33-40 42
11. Ştutqart 29 11 7 11 52-46 40
12. Volfsburq 29 10 8 11 51-45 38
13. Union 29 9 7 13 26-40 34
14. Hoffenhyaym 29 7 9 13 36-52 30
15. Sankt Pauli 29 8 5 16 25-35 29
16. Haydenhaym 29 6 4 19 32-56 22
17. Bohum 29 5 5 19 29-61 20
18. Holştayn 29 4 6 19 40-70 18

Bombardirlər: Keyn (Bavariya) – 23, Şik (Bayer-04) – 17, Girassi (Borussiya D), Marmuş (Ayntraxt F), Burkardt (Maynts-05), Klayndinst (Borussiya M) – 15.

Növbəti turun oyunları aprelin 19-20-də keçiriləcək: Auqsburq – Ayntraxt F, Borussiya D – Borussiya M, Frayburq – Hoffеnhaym, Haydenhaym – Bavariya, Maynts-05 – Volfsburq, Leyptsiq – Holştayn, Sankt Pauli – Bayеr-04, Union – Ştutqart, Verder – Bohum.

Turun rəqəmi
29 – indiyəqədərki karyerasını yalnız “Bavariya”ya həsr edən və bir sıra rekordların müəllifi olan Tomas Müller adını “Der Klassiker” tarixinə də yazdırdı. O, “Bavariya” – “Borussiya” duelində ümumilikdə 29-cu dəfə forma geyməklə Mats Hummelsə məxsus rekordu təkrarladı. Hummels “Der Klassiker”də hər iki klubun formasında meydana çıxıbsa, Müller bu qədər oyunu yalnız münhenlilərin heyətində keçirib. Amma o, rekordun təkbaşına sahibi ola bilməyəcək. Çünki mövsümün sonunda Münheni tərk edəcək.

Turun ulduzu
Xavi Simons (Leyptsiq) – bu tur üç futbolçu özünü daha yaxşı göstərədi. Xavi Simonsla yanaşı, “Hoffenhaym”lı Kramariç və bundesliqada ilk dəfə bir oyuna iki qol vuran “Verder”li Berk də dubl etdi. Amma biz son dönəmlər məhsuldarlığı artan niderlandlı yarımmüdafiəçiyə üstünlük veririk. Simons “Leyptsiq”in son 6 ev oyununun 4-də qol vurmağı bacarıb. Ötən mövsüm bundesliqada 32 oyunda 8 qol vuran 21 yaşlı futbolçu bu mövsüm cəmi 21 oyun keçirməsinə baxmayaraq, artıq 9 dəfə fərqlənib.

Turun sitatı
Vensan Kompani, “Bavariya”nın baş məşqçisi: