Fevralın 3-4-də Liqa kubokunda yarımfinal oyunları keçirildi.

"Football-plus.az" xəbər verir ki, oyundan əvvəl bukmekerlər “Çelsi”nin finala yüksəlmək şansını 12 faizlə dəyərləndirirdi. “Emireyts”dəki oyunun ilk yarısı Artetanın komandasının ssenarisi üzrə keçdi.

“Topçular” elə bir çətinlik çəkmədən “zadəganlar”ın hücumlarının qarşısını alırdı. Premyer-liqada çempionluğa əsas namizəd ilk oyundakı qələbəni inkişaf da etdirə bilərdi: Sançes İnkapyenin təhlükəli zərbəsinin qarşısını aldı, Martinelliyə isə Hüsto mane oldu. “Çelsi” ilk yarıda yalnız bir təhlükəli vəziyyət yaratdı ki, onda da düzgün mövqe tutan Kepa Fernandesin güclü zərbəsini dəf etdi. Qonaqlar 2-ci hissədə Kepanın qapısına uzaq məsafədən daha tez-tez zərbə vurmağa başladı, ancaq bundan heç bir dividend götürmədi. Derbinin kulminasiya nöqtəsi sonradan meydana çıxan Havertsin oyundakı son hücumda vurduğu qol oldu. Tarixində 9-cu dəfə Liqa kubokunun finalına çıxan “Arsenal” “Mançester Siti” ilə qarşılaşacaq.
Ona görə ki, Qvardiolanın komandası səfərdə olduğu kimi, evdə də iki top fərqi ilə qələbə qazandı. Baxmayaraq ki, baş məşqçi heyətdə rotasiyalara əl atmış, meydana optimal heyət buraxmamışdı. Amma hesab oyunun axarına uyğun olmadı.

“Sağsağanlar” nəinki fərqi aradan qaldırmağa, hətta finala adlamağa imkan verən qədər qol vəziyyəti yaratdı. Ancaq “Qarabağ”ın pley-offdakı rəqibi belə vəziyyətlərdən yararlanmaq baxımından çox aşağı səviyyə göstərdi. Oyunun taleyini məhz bu amil həll etdi. Erkən qol da meydan sahiblərinin işini çox asanlaşdırdı. Reyndersin ötürməsindən sonra səkən top Marmuşa çatdı, o da toru silkələdi. Ardından Uillokla Qordon real qol vəziyyətini qaçırdı. Yarım saatın tamamında “şəhərlilər” daha iki dəfə fərqləndi. Əvvəlcə Marmuş dubl etdi, ardından Reynders də adını tabloya yazdırdı. Bununla da finala vəsiqənin taleyi bəlli oldu. Ancaq “sağsağanlar” müqaviməti davam etdirdi.
Komandalar fasiləyə yollanmağa hazırlaşarkən Trafford Botmanın fərqlənməsinə imkan vermədi, fasilədən dərhal sonra isə yenicə meydana çıxan Vissa yaxşı imkanı qaçırdı. Nəhayət, 62-ci dəqiqədə Elanqa fərdi reydini qolla tamamladı. Bir qədər sonra Barnsın qolu ofsayd üzündən sayılmadı, Elanqa dubl imkanını qaçırdı. Sona yaxın yenidən meydan sahibləri daha yaxşı oynamağa başladı, təkcə elə Holann iki qol vura bilərdi, ancaq Ramsdeyl hər iki epizodda komandasını xilas etdi. Qvardiolanın komandası iki oyunun ümumi nəticəsinə görə 5:1 hesablı qələbə ilə finala adladı. “Qarabağ”ın fevralın 18-də qarşılaşacağı “Nyukasl”a isə təcili qol vurmağı bacaran hücumçu lazımdı. “Sağsağanlar” oyunboyu onlarla qol vəziyyəti yaratdı, lakin birindən yararlandı.

Onu da xatırladaq ki, Liqa kubokunun finalı martın 22-də “Uembli”də keçiriləcək.

yarımfinal, cavab oyunları
Arsenal – Çelsi 1:0
Haverts, 90+7.
Arsenal: Kepa, Timber, Saliba, Qabriel, İnkapye, Subimendi, Rays, Madueke (Trossar, 69), Eze, Martinelli, Dyökereş (Haverts, 69).
Çelsi: Sançes, Hüsto (Açimponq, 87), Fofana, Çaloba, Hato (Estevao, 60), Kukurelya, Kaysedo, Santos (Qarnaço, 75), Fernandes, Delap (Palmer, 60), Pedro.
İlk oyun – 3:2.

Mançester Siti – Nyukasl 3:1
Marmuş, 7; 29. Reynders, 32 – Elanqa, 62.
MS: Trafford, Nunyeş, Xusanov, Ake (Alleyn, 46), Ayt-Nuri, Reynders, Niko (Lüis, 83), O’Rayli (Rodri, 71), Foden (Şerki, 72), Marmuş, Semenyo (Holann, 71).
Nyukasl: Ramsdeyl, Tiav, Botman, Bern, Trippyer (Osula, 76), Remsi, Tonali, Holl (C.Mörfi, 46), Uillok (Elanqa, 46), Voltemade (Vissa, 46), Qordon (Barns, 44).
İlk oyun – 2:0.

Faktlar
* “Arsenal” son 10 oyunun heç birində “Çelsi”yə uduzmayıb. Son 10 London derbisinin 7-də “topçular” qələbə qazanıb, 3 oyun heç-heçə bitib. “Çelsi” “Arsenal”ı sonuncu dəfə 2021-ci il avqustun 22-də məğlub edib (2:0).
* “Arsenal” 2018-ci ildən bəri ilk dəfə Liqa kubokunun finalına çıxdı. 9-cu dəfə finalda oynayacaq “topçular” bu göstəricidə “Tottenhem” və “Aston Villa”ya çatdı. Yalnız “Liverpul” (15), “Mançester Yunayted” (10) və “Çelsi” (10) bu turnirdə daha çox final oynayıb. “Arsenal” 1993-cü ildən bəri Liqa kubokunu qazana bilmir.
* 2021-ci ildən bəri ilk dəfə Liqa kubokunda finala çıxan “Mançester Siti” 10-cu dəfə bu turnirin həlledici oyununda görünəcək. “Şəhərlilər” indiyə qədər 4 dəfə Qvardiolanın rəhbərliyi altında Liqa kubokunun finalına çıxıb və hər dəfə də qələbə qazanıb.

Oyundan sonra
Mikel Arteta, “Arsenal”ın baş məşqçisi: