Rodriqo Tabata adı Türkiyə futbolunun stajlı fanatlarına yəqin ki, tanış gəlir.

Braziliyaəsilli futbolçu hələ 2008-ci ildə ''Qaziantepspor''da öz oyunu ilə diqqət çəkmiş və 2009-da 8 milyon avroya ''Beşiktaş''a transfer olunmuşdu. Həmin vaxt bu yarımmüdafiəçi ''qartal'' tarixinin ən bahalı transferinə çevrilsə də, ümidləri doğrutmamış və cəmi 1 ildən sonra ayrılmalı olmuşdu.

Tabatanı xatırlamağımızın xüsusi səbəbi var. Hazırda onun 45 yaşı olsa da, Qətərin aşağı liqasında hələ də karyerasını davam etdirir! Özü də o, bu qış klubunu dəyişib. Tabata ''Əl-Xaraitiyat''dan ''Əl-Marxiya''ya transfer olunub.

Ən heyrət doğuran məqam odu ki, bu futbolçu Türkiyədən ayrıldıqdan, yəni 2010-dan bu yana Qətərdə top qovur. Bir tərəfi braziliyalı, bir tərəfi isə yaponiyalı olan Tabata hətta Qətər vətəndaşlığını da qəbul edib.

O, 2015-17-ci illərdə bu ölkənin yığmasında 17 oyun keçirərək 2 qol vurub. Onu artıq Qətər futbolunun əfsanəsi də adlandırmaq olar.