''Məncə, adaptasiyam yaxşı keçir. Təbii ki, hər kəs kimi mənim də enişlərim və yüksəlişlərim olur. Amma hər oyunda əlimdən gələni edirəm. Çempionşip fiziki güc tələb edən turnirdi. Uzun ötürmələrin sayı hədsiz dərəcədə çoxdu. İlk vaxtlar bəzi matçlarda çətinlik çəkdim. Çünki burda son 10 ildə oynadığım çempionatlardan tamamilə fərqli futbol oynanılır. Amma bu şərtlərə hazır olmalı və uyğunlaşmalıyam. Hər nə qədər burdakı futbol mənə uyğun olmasa da, burda oynayıramsa, deməli uyğunlaşmaq məcburiyyətindəyəm. Artıq həm buranın futbolundan, həm də şəhərin ab-havasından zövq alıram. Komandaya güvənirəm. Bu mövsümkü nəticələrimizlə artıq hər kəsə qarşı oynaya biləcəyimizi göstərmişik. Xüsusilə üst pillələrdəki rəqiblərə qarşı çox yaxşı nəticələr əldə etmişik. Ona görə də ikinci dövrənin də bizim üçün uğurlu keçəcəyinə inanıram''.