98,9 faiz – “Qarabağ”ın pley-offda oynamaq şansı bu qədərdi!

“Qarabağ”ın oyunu, taleyi nəinki Azərbaycanda və postsovet məkanında, Avropanın hər yerində müzakirə olunur. Son turda “Liverpul”a mümkün məğlubiyyət belə ağdamlılar üçün əngəl deyil. Müxtəlif statistika portalları Azərbaycan çempionunun pley-offa adlamaq şansını 90 faizdən yüksək dəyərləndirir.

Dünyada statistik analitika ilə məşğul olan “Opta” superkompüteri də bu yöndə proqnozunu irəli sürüb. “Opta”nın superkompüteri “Qarabağ”ın pley-offda oynamaq şansını 98,9 faizlə dəyərləndirir. Halbuki liqa mərhələsinin startından əvvəl Ağdam təmsilçisi autsayderlər sırasında idi – cəmi 12,5 faiz.