Almaniya DÇ-2026-nın boykot edəcək?
ABŞ prezidenti Donald Trampın Qrenlandiya adasını öz caynaqlarına keçirməsi cəhdləri davam edir.
Bu arada Almaniya parlamentinin üzvü və federal kansler Fridrix Mertsin sağ əli hesab olunan Yurgen Hardt Trampı bu ideyadan vaz keçirmək üçün hətta Almaniya yığmasının DÇ-2026-nı boykot edə biləcəyini istisna etməyib.
O, ''Bild'' nəşrinə açıqlamasında bunları deyib:
''Donald Trampın Qrenlandiya məsələsində gözünün odunu almaq üçün bir neçə üsul var. Ən sonuncu variantlardan biri DÇ-2026-dakı çıxışdan imtina etməkdi. Çünki qarşıdan gələn turnir Tramp üçün mühüm əhəmiyyət kəsb edir''.
Xatırladaq ki, ABŞ, Kanada və Meksikanın ev sahibliyində baş tutacaq mundial 11 iyun - 19 iyul tarixində keçiriləcək.
Digər xəbərlər
