''Mənə təklif olunan yeni layihə xoşuma gəldi. Oralarda hava da gözəldi. Yeni macəranı səbirsizliklə gözləyirəm. Özümü hələ də çoxlarından üstün sayıram. İtaliyadan bəzi təkliflər var idi. Bəzi klublarla görüşsəm də, məni qane edən şərtlər olmadı. Futbol dəyişib. Artıq yeni oyunçular ortaya çıxıb. Meydanı onlara buraxmaq lazımdı. Mənim artıq 35 yaşım var. Genuyada niyə qalmadım? Çünki mənimlə münasibətləri normal olmayan bir məşqçi ilə anlaşdılar. O məşqçini gətirməsəydilər, bəlkə də indiyə qədər orda idim. Qattuzo yığmanın başına keçməklə çox çətin və məsuliyyətli bir işin altına girdi. Amma güclü xarakterə malikdi. Bir işi görürsə, axıra qədər getməyi xoşlayır. ''İnter'', yoxsa, ''Milan''? İkisinin də qəlbimdə xüsusi yeri var. Birini seçə bilmərəm. Çempionluq mübarizəsində ''İnter'' az da olsa, üstün görünür. Amma ''Milan''ı siyahıdan silmək olmaz. Kim qazanırsa qazansın, istənilən halda xoşbəxt olacam. İtaliyada gənc və istedadlı oyunçular çox deyil. Məsələn, mənim 20 yaşımda olduğum səviyyəyə malik futbolçu tapmaq çətindi. Espozitonu bəyənirəm. Üzərində çox çalışsa, gələcəkdə mühüm işlər görə bilər. Baş məşqçi olmaq istərdimmi? Əslində bu ideya ağlımdan keçir. Amma problem ondadı ki, çalışdırdığım klubda mənim xarakterimdə bir futbolçu olsa, onunla nə edəcəyimi bilmirəm''.