''Göztəpə''nin heyətində sərgilədiyi oyunla ulduzu parlayan və 2025-in yayında bir Anadolu klubu üçün rekord məbləğə - 20 milyon avroya Almaniya təmsilçisi ''Leyptsiq''ə transfer olunan Romulo Kardoso son paylaşımı ilə diqqət çəkib.

"Football-plus.az" xəbər verir ki, 23 yaşlı braziliyalı forvard 2025-ci ilə vida paylaşımı ilə ''Fənərbaxça'' fanatlarının diqqətini cəlb edib. O, ürək sözlərini yazıb və geridə qoyduğumuz ilə dair öz həyatından şəkillər paylaşıb.

Romulo həmin şəkillərdən birində Edin Cekonun ''Fənərbaxça''da geydiyi 9 nömrəli formanı əyninə keçirib! Hücumçunun bu hərəkətinin Cekoya, yoxsa ''Fənər''ə sevgisi ilə əlaqəli olduğu barədə məlumat yoxdu. Amma şəkil sosial şəbəkələrdə gündəm olub.

Almaniyada ilk mövsümünü keçirən Romulonun indiyə qədər ''Leyptsiq''də 12 rəsmi oyunda aktivinə 4 qol, 3 məhsuldar ötürmə yazdığını bildirək.