Türkiyə çempionatında çıxış edən daha bir klubda məşqçi təyinatı reallaşıb.

"Football-plus.az" xəbər verir ki, bir neçə gün öncə ''Fatih Karagümrük'' Aleksandar Stanoyeviç ilə anlaşmışdısa, bu dəfə ''Antalyaspor'' yeni məşqçisinə qovuşub. Volkan Dəmirəlin bu klubun başına keçəcəyi ilə bağlı xəbərlər təsdiqini tapmayıb. Halbuki tərəflər hətta ilkin anlaşma da əldə etmişdilər. Amma son anda rəsmi müqavilə imzalanmadı.

''Antalyaspor''un hazırda transfer cəzası davam edir və klubun hələ ki, bu qış yeni oyunçu almağa ixtiyarı yoxdu. Böyük ehtimalla Dəmirəlin təyinatı məhz bu üzdən baş tutmayıb. Ondan fərqli olaraq Sami Uğurlu bu şərtlər altında işləməyə razılıq verib.

''Antalyaspor'' təcrübəli məşqçi ilə 6 aylıq, yəni mövsümün sonuna qədər müqavilə imzalandığını açıqlayıb. 47 yaşlı Uğurlu daha öncə iki fərqli dönəmdə ''Kasımpaşa''nı, eləcə də ''Bandırmaspor''u və son olaraq ''Alanyaspor''u çalışdırıb.