Volkan Dəmirəlin bu klubda macərası qısa sürdü

Türkiyə çempionatında bu mövsümkü çoxsaylı məşqçi istefalarına daha biri əlavə olunub.

''Football-plus.az'' xəbər verir ki, ''Bodrum'' Volkan Dəmirəl ilə yollarını ayırdığını açıqlayıb. Klubdan verilən rəsmi açıqlamada müqavilənin qarşılıqlı şəkildə ləğv olunduğu qeyd olunub.

''Bodrum'' son turda səfərdə ''Konyaspor''a 1:3 hesabı ilə uduzdu. Komandanın qələbəsiz seriyası 6 oyuna yüksəldi. Qeyd edək ki, tarixində ilk dəfə superliqada çıxış edən bu kollektiv mövsümə İsmət Taşdəmirin başçılığı altında başlamışdı. Amma bu mütəxəssisin qovulmasından sonra noyabrın 1-dən etibarən Volkan Dəmirəl baş məşqçi postuna gətirilmişdi. Komanda 43 yaşlı Dəmirəlin başçılığı altında keçirdiyi 13 rəsmi oyundan 2 qələbə, 4 heç-heçə, 7 məğlubiyyətlə ayrılmış oldu. Bu da hər oyuna 0,77 xal deməkdi.

''Bodrum'' hazırda 21 oyuna topladığı 16 xalla 17-ci pillədə, yəni düşmə zonasında qərarlaşıb. Hələ ki, boş qalmış vəzifəyə əsas namizəd Ərtuğrul Arslandı. 44 yaşlı Arslan son olaraq Dortmund ''Borussiya''sında Nuri Şahinin köməkçisi kimi çalışmışdı.

ƏLİ