Trent Aleksander-Arnold “Real”ı tərk edə bilər.

"Football-plus.az" xəbər verir ki, onun vətəni İngiltərəyə qayıtmaq şansı var.

“Defensa Central”ın məlumatına görə, bu yay “Real”a keçən müdafiəçinin İspaniyadakı karyerası hələlik gözlənilən səviyyədə alınmayıb.

Deyilənə görə, Madrid klubu ingilis futbolçuya görə premyer-liqa təmsilçilərindən gələ biləcək təklifləri dəyərləndirməyə hazırdı.

27 yaşlı müdafiəçi ilə “Mançester Siti”, “Mançester Yunayted” və “Nyukasl” klubları yaxından maraqlanır. Bu klubların hər birinin transfer üçün 40 milyon avro ödəməyə hazır olduğu bildirilir.

Trent hazırkı komandasının heyətində 16 oyuna çıxıb və 3 məhsuldar ötürmə edib.