''Dəyərli dostlar, məlum olduğu kimi futbol milyonlarla insan üçün bir əyləncə vasitəsidi. Futbolu konkret bir ölkə və ya bir bölgə təqib etmir. Bütün dünyada insanlar stadionları dolduraraq və ya ekran başında oyunları izləyərək bununla da yorğunluğu çıxarmağa çalışırlar. Biz də gənclik illərimizdən bu vəzifəyə gələnə qədər daim futbolu yaxından izləmişik. İndi də tez-tez ekran başından oyunları izləyirəm. Bu yaşanan son hadisələr bizi çox ciddi mənada üzüb. İdarəçi, yönətici və futbolçuların bu məsələdə adının hallanması, üstəlik bütün bunların bizim ölkəmizdə yaşanması bir prezident olaraq məni həqiqətən üzüb. Hətta deyərdim ki, heyrət içindəyəm! Milyonlarla lirə transfer pulu alan insanlar necə olur ki, bu kiçik məbləğlərə görə bu işin içinə bulaşır? Buna necə razı olurlar? Yönəticilərə baxırsan, adamın inanmağı gəlmir. Onlar necə olub ki, bu işə giriblər? Bunu açıq şəkildə dilə gətirməliyəm ki, futbolun ruhu ədalətdi. Biz bu ədaləti təmin edə bilməsək, oyunların nəticələri bizi qane etməyəcək. Niyə? Çünki ədalətdən tamamilə uzaq bir nəticə ortaya çıxacaq. Biz futbolun təmiz üzünün, ruhunun tərəfdarıyıq. Məhkəmələr bu məsələdə doğru və ədalətli qərarlar versələr, inanıram ki, ölkədə futbol təmizlənəcək. Hardan gəlirsə gəlsin, fərq etməz. İstər A klubu olsun, istərsə də B, burda ədalət hər şeydən öndə gəlməlidi. Məncə, hazırda məhkəmə işinin öhdəsindən əla gəlir. Biz tribunaların səsi, gənclərin arzuları və bu millətin təmiz futbol görmək istəməsi naminə sona qədər bu məsələdə mübarizəmizi davam etdirəcəyik''.