Türkiyə prezidenti Rəcəp Tayyib Ərdoğan öz iqamətgahında futbol üzrə son ölkə çempionu ''Qalatasaray''ı qəbul edib.

"Football-plus.az" xəbər verir ki, tədbirdə İstanbul nəhənginin rəhbərliyi məşqçilər korpusu və futbolçuları yer alıb.

Öz yığmalarının düşərgəsində olan futbolçular qəbulda iştirak etməyib. Prezidentin baş müşaviri Akif Çağatay Kılıç, gənclər və idman naziri Osman Aşkın Bak, Ədalət və İnkişaf Partiyasının İzmir millət vəkili, sabiq futbolçu Alpay Özalan da tədbirdə yer alıb.

''Qalatasaray'' Ərdoğana qazandığı çempionluq kubokunu nümayiş etdirib. Ərdoğan komandanı bu uğur münasibəti ilə təbrik edib. Daha sonra ''sarı-qırmızılar''ın prezidenti Dursun

Özbək ölkə prezidentinə üzərində ''Rəcəp Tayyib Ərdoğan'' yazılmış ''53'' nömrəli ''Qalatasaray'' formasını hədiyyə edib.

Tərəflər sonda xatirə şəkili çəkdiriblər.