Türkiyə futbolunda növbəti iyrənc fakt - ''narahat olma, mən qol buraxacam''
Türkiyə futbolunda oyunlara pul qoyuluşu qalmaqalı böyüdükcə hər gün ortaya yeni iyrənc və insanı futboldan soyudan faktlar ortaya çıxır.
"Football-plus.az" xəbər verir ki, ''Fənərbaxça''nın kapitanı Mərt Hakan Yandaşın başqasının əli ilə öz komandasının oyunlarına pul yatırmasının məlum olmasının ardından başqa futbolçuların əməlləri də bir-bir ictimaiyyətə bəlli olur.
Məsələn, həbs olunanlardan biri - ''Sakaryaspor''un qapıçısı Yunus Əmrə Tekoğulun ''vatsapp'' yazışmaları incələndikdən sonra növbəti ''çirkablar'' üzə çıxıb. Onun dəfələrlə qanuni və qeyri-qanuni mərc saytlarına pul qoyduğu məlum olub. Ən əsası öz komandasının oyunlarına da pul qoyuluşu edibmiş. Ən dəhşətlisi odu ki, Tekoğul 2024-cü ildə ''Sakaryaspor''un səfərdə ''Fatih Karagümrük''ə qarşı keçirdiyi matçda meydan sahibinin qələbəsinə pul atıbmış.
Tekoğukun özünün iştirak ərizəsinə düşmədiyi həmin qarşılaşmada ''Karagümrük'' 4:0-lıq qələbə qazanmışdı. Bu qapıçının Səlim Y. adlı şəxslə ''vatsapp'' yazışmasındakı dailoq da diqqət çəkib. Həmin şəxs ''Manisa'' ilə oyundan öncə Tekoğluya ''Manisa'' indi çətin durumdadı, qalib gələ biləcəksizmi'' sualını ünvanlayır. Qapıçı da cavabında ona bunları yazır:
''Pulu at, narahat olma, biz yoluna qoyacağıq, sığortalamaq üçün qarşılıqlı qola da pul at, mən onsuz da qol buraxacam''.
20 yaşlı qapıçının ötən mövsüm ''Manisa''ya qarşı konkret hansı oyundan bəhs etdiyi barədə malumat verilmir. Amma ''Sakaryaspor'' 2024/25-də ''Manisa''dan həm evdə (1:2), həm də səfərdə (2:2) iki top buraxmış və hər iki oyunda da qapıda Tekoğul dayanmışdı.
