“Formula-1” həvəskarları həftəsonu keçiriləcək Əbu-Dabi mərhələsini böyük maraqla gözləyir.

İş ondadı ki, bunun üçün hər cür əsas var. Dünya çempionatının sonuncu – 24-cü mərhələsi ərəfəsində birdən-birə üç pilot çempionluq şansını qoruyur. Bunlar “Maklaren”in pilotları Lando Norrislə Oskar Piastri, bir də “Red Bull”un pilotu Maks Ferstappendi. Hazırda Norrisin 408, Ferstappenin 396, Piastrinin 392 xalı var. 2010-cu ildən bəri dünya çempionatında belə sonluq olmayıb. Onda titula 4 pilot iddialı idi. Norris hələ də aşkar favoritdi, “Formula-1” dünyası isə yeni çempion üçün darıxıb. Sadəcə, Norrislə yanaşı, Piastrinin də çempionluq şansını qoruması “Maklaren” düşərgəsində bir qədər vəziyyəti qəlizləşdirir. Bu komandanın hər iki pilotu çempionluq uğrunda mübarizədə güzəştə getməyəcəyini bildirib. Bəs “Maklaren” rəhbərliyi geniş müzakirə doğuran mövzu ilə bağlı nə düşünür? Andrea Stellanın fikri:

“Maklaren”in rəhbəri onu da əlavə edib ki, pilotlarla birgə yarışın gedişində birinin başqasına yardım etməsinin hansısa məqamda işə yarayacağı ilə bağlı variant da müzakirə olunub. Məsələn, variantlardan biri belə ola bilər: Ferstappen sona yaxın liderdi, Piastri üçüncü, Norris dördüncü yerdə gedir. Belədə Norrisin titulu qazanması üçün Piastrinin onu özündən irəli buraxması lazım gələcək.

Bu arada rəqabətlə bağlı daha bir maraqlı xəbər yayılıb. Belə ki, “Maklaren” rəhbərliyi Əbu-Dabi “Qran-pri”si ərəfəsində Piastriyə Avstraliya mediasına müsahibə verməyi qadağan edib. Bu barədə “CODE Sports” nəşri məlumat yayıb. Bu qadağaya münasibət bildirən jurnalistlərdən biri qeyd edib ki, Piastriyə belə münasibət onun karyerasında gördüyü ən pis haldı. Başqa bir insayder isə - işdən çıxarılmaq qorxusu ilə anonim qalmaq şərti ilə – heç vaxt potensial dünya çempionunun öz komandası tərəfindən bu qədər açıq şəkildə zəiflədildiyini görmədiyini deyib. Daha bir jurnalist belə deyib:
P.S. Yazı son mərhələdən əvvəl qələmə alınıb.