Hemilton Norrisin çempionluq şansını dəyərləndirdi
“Mersedes”in pilotu Lüis Hemilton “Maklaren”dən olan həmkarı Lando Norrisin dünya çempionu titulu uğrunda mübarizədə “Red Bull”un pilotu Maks Ferstappeni arxada qoymaq şansını dəyərləndirib:
“Mümkünsüz deyil, ancaq çox-çox çətin vəzifədi. Böyük və öhdəsindən gəlməyin mümkün olduğu çağırışdı. “Maklaren”in çox güclü iki pilotu var ki, çempionatda “Red Bull” ilə rəqabət apara bilərlər”.
Ferstappen hazırda “Formula-1” üzrə dünya çempionatında 14 mərhələdən sonra 277 xalla liderdi. Norris isə 199 xalla 2-ci pillədə qərarlaşıb. Bir müddət əvvəl “Maklaren”in pilotu Oskar Piastri bildirmişdi ki, komanda üçün prioritet hədəf Norrisə dünya çempionluğunu qazanmaqda yardım etmək yox, Mühəndislər kubokunu qazanmaq uğrunda mübarizədi.
Digər xəbərlər
