Ferstappen çempionluq şansını dəyərləndirdi
“Red Bull”un pilotu Maks Ferstappen 2024 mövsümündə çempionluq şansını dəyərləndirlib.
"Football-plus.az" xəbər verir ki, “Formula-1” üzrə dünya çempionatında 17 mərhələdən sonra niderlandlı pilot 313 xalla şəxsi hesabda 1-ci yeri tutur. 2-ci yerdə “Maklaren”in pilotu Lando Norris (254), 3-cü yerdə isə “Ferrari”dən Şarl Lekler (235) qərarlaşıb. ESPN Ferstappenin bu mövzuda fikirlərini yayıb:
“Düşünürəm ki, daha yaxşı çıxış etməliyik. Eyni zamanda, “Maklaren” və Norris titul qazanmaq üçün mövsümün qalan hissəsini ideal keçirməlidi. Sözsüz, Mühəndislər kubokunda liderliyi itirmək bizim üçün xoş olmadı. Serxio Peresin Karlos Saynsla toqquşması da bizim xeyrimizə deyildi. Mübarizə hələ başa çatmayıb. Mühəndislər kubokunda liderliyi qaytarmağa çalışacağıq”.
Xatırladaq ki, sentyabrın 13-15-i aralığında keçirilən Azərbaycan mərhələsində “Maklaren” Mühəndislər kubokunda liderliyi ələ keçirdi. Adı çəkilən komanda “Red Bull”u 20 xal qabaqlayır.
Digər xəbərlər
