Tur cümə günü Münhenqladbaxda start götürdü.

"Football-plus.az" xəbər verir ki, son 3 turda inamlı qələbələr qazanan “Borussiya” ilə həftəyə ikinci pillədə daxil olan “Leyptsiq”in duelində qapılara qol vurulmadı. “Leyptsiq” son üç turda ikinci dəfə büdrəsə də, hələ ki, ikinci pilləni əldən verməyib.

Həftəiçi “Arsenal”a uduzmaqla mövsümdə ilk məğlubiyyətini yaşayan “Bavariya” bundesliqada da büdrəməyə yaxın oldu. İddiasız “Sankt Pauli” “Alyants Arena”da gözlənilmədən 6-cı dəqiqədə hesabı açdığından Münhen nəhəngi yenə xarakter göstərməli oldu. Maraqlıdı ki, “rekoredmayster” ardıcıl 3-cü turda hesabda geri düşdü. Amma yenə məğlub olmadı. Fasilə ərəfəsində hesabı bərabərləşdirən “Bavariya” rəqibinin müqavimətini yalnız əsas vaxta əlavə olunan dəqiqələrdə qıra bildi. Yeri gəlmişkən, ardıcıl 44-cü turu zirvədə tamamlamaqla turnirin yeni rekordunu müəyyənləşdirən “Bavariya” daha bir mühüm göstəriciyə nail oldu. Komanda bundesliqa çərçivəsində ardıcıl 20-ci oyunda ən azı 2 qol vurmaqla özünə məxsus olan rekordu təkrarladı! “Bavariya” bu rekordu 2013/14-də Xosep Qvardiolanın rəhbərliyi altında müəyyənləşdirmişdi. Turun Leverkuzendə keçirilən mərkəzi oyunu isə meydan sahibləri üçün düşərli olmadı. Həftəiçi ÇL-də səfərdə “Mançester Siti”ni məğlub etməklə hər kəsi təəccübləndirən “Bayer-04” bu dəfə evdə prinsipial rəqibə - Dortmund “Borussiya”sına uduzdu. 20 yaşlı argentinalı müdafiəçi Anselmino həm “arılar”ın heyətinə, həm də bundesliqada ilk qolunu vurdu. İki oyunluq qələbəsiz seriyaya son qoyan Niko Kovaçın komandası 3-cü pilləyə yüksəldi.

Digər oyunlara gəlincə, “Auqsburq”u darmadağın edən “Hoffenhaym” son 6 turda 5-ci qələbəsini qazandı. 12 tura 23 xal “kəndçilər”in bundesliqada ən yaxşı ikinci göstəricisidi. Elitadakı ilk mövsümündə - 2008/09-da “Hoffenhaym” 12 tura 25 xal toplamışdı. Tura sonuncu pillədə daxil olan “Haydenhaym” isə paytaxtda möcüzəvi bir geridönüşün sahibi oldu. Çünki komanda 90-cı dəqiqəyə hesabda geridə daxil olmuşdu! Bremen səfərinin son anlarında “Köln”ü məğlubiyyətdən xilas edən Səid Əl-Mala 19 yaş 95 günlüyündə bundesliqada 5-ci qolunu vurdu. “Keçilər”in heyətində yalnız iki futbolçu - Lukaş Podolski (18 yaş 319 gün) və Yürgen Yendrossek (19 yaş 29 gün) bundesliqada 5 qol həddinə daha gənc yaşda çatmışdı.

“Ştutqart”ı yenən debütant “Hamburq” 5 oyunluq qələbəsiz seriyaya son qoydu. “Volfsburq” Frankfurtda son saniyələrdə qələbəni əldən versə də, ən azı 3 oyunluq məğlubiyyət seriyasını bitirdi. Frayburqda pərən-pərən düşən və sentyabrdan bu yana qələbəsi olmayan “Maynts-05” isə sonuncu pilləyə yuvarlandı.

12-ci tur
Bavariya – Sankt Pauli 3:1
Gerreyro, 44. Dias, 90+3. Cekson, 90+6 – Untonci, 6. (75000)
Bavariya: Noyer, Laymer (Olise, 46), Kim Min Ce (Qoretska, 77), Ta, Bişof, Kimmix, Pavloviç (Cekson, 83), Karl (Qnabri, 65), Gerreyro (Stanişiç, 65), Dias, Keyn.

Bayer-04 – Borussiya D 1:2
Kofane, 83 – Anselmino, 41. Adeyemi, 65. (30210)
Bayer-04: Flekken, Hofmann (Eçeverri, 74), Andrix (Kuansa, 88), Bade, Tapsoba, Qrimaldo, Maza, A.Qarsiya, Tillman (Terrye, 74), Poku (Tella, 88), Şik (Kofane, 63).
Borussiya: Kobel, Ryuyerson (Kouto, 80), Anselmino, Anton, Şlotterbek, Svensson, Zabitser, Nmeça (Bensebayni, 90+1), Brandt (Çukvuemeka, 90+1), Adeyemi (Bellingem, 80), Girassi (Fabio Silva, 61).

Ayntraxt F – Volfsburq 1:1
Batşuayi, 90+6-p. – Senter, 67. (58000)
Ayntraxt: Setterer, Doan, Kristensen, Kox, Teate, Braun, Çaibi, Skiri (M.Dahud, 76), Götse (Batşuayi, 62), Knauff (Nqankam, 82), Bahoya (Kollins, 62).

Hamburq – Ştutqart 2:1
Qlatsel, 17. Vieyra, 90+4 – Dəniz Undav, 54. (57000)
Ştutqart: Nübel, Ştensel, Hendriks (Mittelştadt, 87), Şabo, Əl-Daxil, Vaqnoman, Andres, Narti (Ştiller, 58), Fürix (Dəniz Undav, 40), Əl-Xannus, Buanani (Yovanoviç, 87).

Borussiya M – Leyptsiq 0:0
(50029)
Leyptsiq: Qulaçi, Baku (Klostermann, 90+1), Orban, Lukeba, Raum, Zayvald, Baumqartner, Şlager (Banzuzi, 66), Diomande, Nusa (Bakayoko, 66), Harder (Qomis, 82).

Hoffenhaym – Auqsburq 3:0
Ture, 16. Burger, 26. Seziger, 45-öz qapısına. (20218)

Frayburq – Maynts-05 4:0
Kübler, 12. Qrifo, 26. Manzambi, 50. Osterhaqe, 90. (33200)

Union – Haydenhaym 1:2
Xedira, 43 – Şimmer, 90. Şoppner, 90+5. (22012)

Verder – Köln 1:1
Fridl, 22 – Əl-Mala, 90+1. (41800)

1. Bavariya 12 11 1 0 44-9 34
2. Leyptsiq 12 8 2 2 22-13 26
3. Borussiya D 12 7 4 1 21-11 25
4. Bayer-04 12 7 2 3 28-17 23
5. Hoffenhaym 12 7 2 3 25-17 23
6. Ştutqart 12 7 1 4 21-17 22
7. Ayntraxt F 12 6 3 3 28-23 21
8. Frayburq 12 4 4 4 19-20 16
9. Verder 12 4 4 4 16-21 16
10. Köln 12 4 3 5 21-20 15
11. Union 12 4 3 5 15-19 15
12. Borussiya M 12 3 4 5 16-19 13
13. Hamburq 12 3 3 6 11-18 12
14. Auqsburq 12 3 1 8 15-27 10
15. Volfsburq 12 2 3 7 14-22 9
16. Haydenhyaym 12 2 2 8 10-27 8
17. Sankt Pauli 12 2 1 9 10-24 7
18. Maynts-05 12 1 3 8 11-23 6

Bombardirlər: Keyn (Bavariya) – 14, Burkardt (Ayntraxt F) – 8, Tabakoviç (Borussiya M), Dias (Bavariya), Dəniz Undav (Ştutqart) – 7.

Növbəti turun oyunları dekabrın 5-7-si aralığında keçiriləcək: Köln – Sankt Pauli, Ştutqart – Bavariya, Haydenhaym – Frayburq, Maynts-05 – Borussiya M, Borussiya D – Hoffenhyaym, Hamburq – Verder, Leyptsiq – Ayntraxt F, Volfsburq – Union, Auqsburq – Bayer-04.

Turun rəqəmi
6 – “Ştutqart” o qədər də uğurlu mövsüm keçirməməsinə rəğmən, əla formada olan Dəniz Undav qollarını sıralamaqda davam edir. Bu tur o, “Hamburq” səfərində fərqlənməklə unikal bir göstəriciyə nail oldu. Undav “Ştutqart”ın bundesliqada vurduğu son 6 qolun hamısının müəllifi olub. Bu, klub tarixində yeni rekorddu! Əvvəlki rekord Yürgen Klinsmanna məxsus idi. Əfsanəvi forvard 1986-nın martında şvabiyalıların ardıcıl 5 qolunun müəllifi olmuşdu.

Turun ulduzu
Luis Dias (Bavariya) – bu aralar Keyn bir qədər kölgəyə çəkildiyindən “Bavariya”nın heyətində başqa ulduzlar ön plana çıxır. Ötən tur Olise hesabına 3 qol, 2 məhsuldar ötürmə yazmışdısa, bu dəfə Diasın ulduzu parladı. Gerreyronun bərabərlik qolu zamanı yerdə ola-ola, aktivinə məhsuldar ötürmə yazan kolumbiyalı vinger son anlarda da səhnəyə çıxaraq komandasına qələbə qazandırdı. O, bu mövsüm bundesliqada meydana çıxdığı 12 oyunda 12 qolun vurulmasında yaxından iştirak edib (7 qol, 5 məhsuldar ötürmə).

Turun sitatı
Vensan Kompani,