“Real”da baş məşqçi Xabi Alonso ilə bəzi futbolçular arasında problemlər getdikcə artır.

"Football-plus.az" xəbər verir ki, Vinisius Junior, Federiko Valverde və Cud Bellingem Alonsonun işindən narazıdılar.

Belə ki, Vinisius baş məşqçiyə görə klub ilə müqaviləsini yeniləməkdən imtina edib. Futbolçu məşqçinin ona qarşı ədalətsiz davrandığını düşünür. Valverde yarımmüdafiə mövqeyində oynamaq istəyir, lakin mütəxəssis onu mərkəz yarımmüdafiəçisi kimi görmür və müdafiənin sağ cinahında oynatmağa üstünlük verir. Bellingem isə Alonsonun sistemində öz yerini tapmayıb və məşqçinin ondan maksimum yararlandığına inanmır.