“Çelsi”nin baş məşqçisi Entso Mareska zədəli yarımmüdafiəçi Koul Palmerin son durumu barədə məlumat verib.

"Football-plus.az" xəbər verir ki, evdə ehtiyatsızlıqdan ayaq barmağını sındıran futbolçu üçün xüsusi buts hazırlanıb. İtaliyalı mütəxəssis bunun sayəsində oyunçunun artıq məşqlərə başladığını, topla təmasda olduğunu və özünü yaxşı hiss etdiyini bildirib. Onun tezliklə heyətə dönəcəyi gözlənilir.

Bir neçə gün əvvəl “Bernli” ilə son matçı (2:0) da buraxan Palmerin “Barselona” və “Arsenal”la oyunlarda iştirak etməyəcəyi bildirilmişdi.