Bu gün futzal üzrə Çempionlar Liqasının 1/8 final mərhələsinin oyunları keçirildi.

"Football-plus.az" xəbər verir ki, ilk matç çərçivəsində meydana çıxan “Araz-Naxçıvan” Portuqaliya “Benfika”sı ilə qarşılaşdı.

"Qırmızı-ağlar" Bakı İdman Sarayında olan görüşə itkilərlə çıxdı. Belə ki, sarı vərəqə limitini dolduran Covanni Valeryo, Karlos Bertola və Aleks Teyxeyra komanda yoldaşlarına kömək edə bilmədi. Əvəzində Kənan Manafov, Fərid Abbasov və Hüseyn Abdulov Muxtar Respublika təmsilçisinin heyətində yer aldı.

Hesab 13-cü dəqiqədə açıldı. Anilton Silva künc nöqtəsindən gələn ötürməni havadaykən qapıya göndərdi. Qonaqlar fasiləyə qədər daha 3 qol vurdu. "Benfika" ikinci hissəyə də qolla başladı. Portuqaliya təmsilçisi sonrakı dəqiqələrdə fərqi 9 (!) topa yüksəltdi. Beləliklə, "Araz-Naxçıvan"ın Çempionlar Liqasınsakı mübarizəsi faktiki olaraq sona çatdı.

Bu komandalar arasında cavab oyunu dekabrın 5-də Lissabonda keçiriləcək.

Çempionlar Liqası
1/8 final mərhələsi, ilk oyun
Araz-Naxçıvan – Benfika (Portuqaliya) 0:9 (0:3)
Araz-Naxçıvan: 1. Emin Kürdov (k), 7. İaqo Henrike, 10. Yan Perruzo, 21. Filipinyo, 29. Luicci Lonqo; 12. Rövşən Hüseynli, 19. Hüseyn Ədbülov, 15. Fərid Abbasov, 20. Ədalət Ələkbərov, 8. Ülvi Əliyev, 6. Mirzə Əmirov, 3. Qüdrət Qasımzadə, 49. Kənan Manafov, 9. Aleks Rezende.
Baş məşqçi: Yevgeni Kukseviç.

Qollar: Anilton Silva, 12:43 (0:1). Artur, 13:25 (0:2). Kutçi, 14:16 (0:3). D.Nunes, 15:39 (0:4). Artur, 21:49 (0:5). Yakare, 29:20 (0:6). Anilton Silva, 31:28 (0:7). Artur, 35:17 (0:8). Hiqor de Souza, 38:58 (0:9).
Vərəqələr: Silvestre Ferreyra, 34:12. Lusio, 36:18. Yakare, 37:42 - sarı.
Hakimlər: YİANGOS YİANGOS, Miçel Kristofides, Nikolas Nikolaou (hamısı Cənubi Kipr).
Timekeeper: Teoxaris Teoxarus (Cənubi Kipr).
Hakim-inspektor: Qabriel German (Rumıniya).
UEFA nümayəndəsi: Vladimir Kolbasiuc (Moldova).
24 noyabr. Bakı İdman Sarayı.

KƏNAN BAHADIR