Misli premyer-liqasının 12-ci turunda “İmişli” səfərdə “Neftçi”ni 3:2 hesabıyla məğlub etdi.

“Football-plus.az” xəbər verir ki, Jorj Kaşkilya oyundan sonra media önünə çıxıb.

- Futbolçularımı təbrik edirəm. Bu, fantastik oyunumuzun nəticəsidi. “Neftçi” çox böyük rəqibdi. Yaxşı oynadıq. “Neftçi”nin taktikasını bilirdik. Oyun çətin başladı. Hesabda geri düşdük, amma tarazlaşdıra bildik. İkinci hissədə psixoloji gücümüzü göstərdik. “Neftçi” kimi komandanı səfərdə udmaq üçün xarakter lazımdı.

- “İmişli” bu gün Bakıya 3 xal üçün gəlmişdi, yoxsa 1 xal kifayət edərdi?
- Oyundan əvvəl həmişə qələbəyə köklənirik. Amma rəqib daha yaxşı oynayırsa, məqsəd uduzmamaqdı. 3 xal fantastik nəticədi.

- “Neftçi”də olmayıb, “İmişli”də olan nə var idi ki, komanda 3 xal qazandı?
- Biz ancaq öz komandamız haqda danışa bilərik.

- “Neftçi”yə ilk oyunda qol vura bilməmişdiz. O oyunla indiki arasında fərq nədi?
- Fərq çoxdu. Onda yeni komanda idik, sistemi otuzdurmağa çalışırdıq. Artıq 4 ay keçib. “Karvan-Yevlax”la “Kəpəz”ə də 3 qol vurmuşduq. İndi məqsədimiz daha yüksəkdi.

- Qışda transferlərin olması gözlənilir? Büdcənin artırılması üçün rəhbərliyə müraciət edəcəksiz? Ehtiyat qüvvə əsas heyət qədər güclü deyil.
- Yaxşı sualdı (gülür). Xeyr. Qışda futbolçu transfer etmək daha çətin olur. “Neftçi”, “Qarabağ” kimi büdcəmiz yoxdu. Avrokuboklar niyyətimiz də yoxdu. Məqsədimiz elitada sabit komanda yaratmaqdı.

- Avrokubok niyyətiniz yoxdu. Kubokda da rəqibiniz ilk dövrədə məğlub etdiyiniz “Sabah”dı. Kuboka necə yanaşacaqsız?
- “Sabah” favoritdi, biz yox. Böyük komandaların məqsədi kuboku qazanmaqdı, biz isə oyunu qazanmağı düşünürük.

MÜZƏFFƏR QULUZADƏ