Misli premyer-liqasının 9-cu turunda “İmişli” Qəbələdə “Kəpəz”i darmadağın etdi - 0:3.

“Football-plus.az” xəbər verir ki, oyunsonrası mətbuat konfransında qonaqların baş məşqçisi Jorj Kaşkilya jurnalistlərin suallarını cavablayıb.

- Futbolçumuz ağır zədə aldı. Bu məqam komandaya psixoloji təsir etdi. Hissənin sonunda bu hadisə baş verdi. Sonda qol da vura bildik. İlk hissədə komandadan razı qalmadım. Hamı Vüsalı düşünürdü. Komanda fasilədə toparlana bilmirdi. Say üstünlüyümüz də var idi. Üç qol vurduq, amma daha çox qol vura bilərdik. İkinci hissə də çətin olsa da, say üstünlüyü bizə layiqli qələbə qazanmağa da kömək etdi. Qələbəni Vüsala həsr edirik.

- Vüsal Qənbərovun durumu nə yerdədi? Ayağı sınıb?
- Ayağı sınıb. Amma nə dərəcədə ciddi olduğunu bilmirik.

- Almeyda və Juninyo ikinci hissədə xeyli qol imkanını qaçırdı. Təbriklə yanaşı, futbolçuları tənbeh etdiz?
- Xəzərin də qol epizodu var idi, İdrisin də. Bu epizodları qola çevirmək lazım idi. Tənbehlər məşqdə olacaq.

- “Qarabağ”a qarşı xüsusi hazırlıq planınız var?
- Bütün oyunlara ciddi hazırlaşırıq. Kubok oyunumuz var. Ona hazırlaşacağıq. “Qarabağ” ÇL-də əla oyun göstərir. Amma öncə “Qaradağ Lökbatan”la oyunumuz var.

MÜZƏFFƏR QULUZADƏ