''İspaniyada ilk dönəmlər mənim üçün çətin keçdi. Çox ağır bir zədə aldım. Amma bunlar futbolun bir parçasıdı. Hazırda hər şeydən məmnunam. Ailəm də burda xoşbəxtdi. ''Qalatasaray''da duyğularla dolu olan 3-4 il keçirdim. Orda yeni səviyyəyə yüksəldim. ''İmperator''umuz Fatih Terimin mənə çox köməyi dəydi. Məni böyük futbolçuya çevirdi. Təbii ki, ayrıldığım vaxtdan bu yana ''Qalatasaray''ı təqib edirəm. Gördüklərimə əsasən deyə bilərəm ki, komandanın işləri qaydasındadı. Bu da məni sevindirir. Ümid edirəm ki, bu il də çempion olacaqlar. ''Fənərbaxça'' ilə derbilər çox böyük və fərqli matçlardı. İnanıram ki, qarşıdakı derbidə sevinən ''Qalatasaray'' olacaq. Kərəm Aktürkoğlu üçün ən yaxşısını arzu edirəm. Düzdü, onun etdiyi şeyi mən edə bilməzdim. Amma yenə oyunundan zövq almasını arzulayıram. ''Qalatasaray''da dəyər verdiyim komanda yoldaşlarımdan biri idi. Mənə çox köməyi dəymişdi. Təbii ki, prinsipial rəqibimizə uğurlar arzulaya bilmərəm, amma Kərəm üçün ən yaxşısını arzu edirəm. Türkiyədən ayrılmadan öncə Okan Buruk ilə görüşüm oldu. Fərqli bir macəra və karyeramda yeni səhifə açmaq istədiyimi dedim. Məndən bir qədər də qalmağımı istədi. Bir neçə gün sonra ''Qalatasaray'' Avstriyaya toplanışa getdi. Mən isə transferi tamamlamaq üçün İstanbulda qaldım. Açığı, ''Qalatasaray'' fanatları önündə sonuncu bir matça çıxıb onlarla vidalaşmaq istərdim''.