Markaonun ''Sevilya'' karyerası yumşaq desək, uğursuz start götürüb.

Məlum olduğu kimi Andalusiya klubu bu yay braziliyalı mərkəz müdafiəçisini ''Qalatasaray''dan bonuslarla birlikdə 15 milyon avroya transfer edib. Amma 26 yaşlı futbolçu yeni klubunda hələ də debüt etməyib. Yüngül zədə üzündən yoldaşlıq matçlarını buraxmalı olan ''sambaçı'' La Liqada da yeni mövsümün ilk 2 qarşılaşmasında iştirak etmədi. Bu azmış kimi Markao çərşənbə günü yeni zədə alaraq məşqi yarımçıq tərk etməli oldu. Bu olay fanatları hiddətləndirdi. Forumlarda və sosial şəbəkələrdə Markaonu hətta klubun bu ilki ən pis transferi adlandıranlar da tapıldı. Tibbi müayinədən sonra indi də Markaonun əzələsində yırtıq aşkarlanıb! Yəni onun debütü ən azı 3 həftəliyə təxirə salınıb. Markaonun yeni macərasına bu qədər zədələrlə başlaması qəribə görünür. Çünki o, İstanbul nəhəngində top qovduğu 3,5 il ərzində zədəyəmeyilli futbolçu olmayıb və matçların böyük əksəriyyətində forma geyib. Yeni zədəsindən sonra sosial şəbəkədə açıqlama verən Markao bunları yazıb: