Yığma fasiləsi ərəfəsində Fransada liderlər üçlüyü yarana bilərdi.

"Football-plus.az" xəbər verir ki, rəqiblərini darmadağın edən “Marsel”lə “Lans” hərəyə 25 xalla turun sonuncu və mərkəzi oyunu ərəfəsində zirvədə qərarlaşmışdı. Ancaq həmin oyunda “Lion”u səfərdə məğlub edən PSJ yenidən adı çəkilən komandalardan önə keçdi.

“Lion”la səfər oyunu paytaxt klubu üçün dramatik axarda keçdi. 50-ci dəqiqəyə qədər komandalar hərəyə iki qol vurdu. Hadisələrin kulminasiya nöqtəsi uzatma dəqiqələrinə təsadüf etdi. 90+3-cü dəqiqədə 2-ci sarı vərəqəyə görə qovulan Talyafiko “Lion”u azlıqda qoydu. İki dəqiqə sonra Li Kan İn künc zərbəsini yerinə yetirdi, tam nəzarətsiz qalan Neveş qapıçı meydançasının xətti üzərindən həlledici zərbəni vurdu – 2:3.

PSJ-ə “əlcək atası” yeganə komanda “Marsel”di ki, cənublular da qeyri-sabitlikdən əziyyət çəkir. Məsələn, elə həmin PSJ-yə qalib gələ, ancaq “Renn”ə uduza bilirlər. Bir sözlə, “Marsel”in oyunlarının nəticəsini proqnozlaşdırmaq çətindi. Amma Roberto De Zerbinin komandası hesabat turunda “Brest”i darmadağın etdi. Hətta 3:0 da oyunun axarını tam əks etdirmir. Meydan sahibləri o qədər çox qol vəziyyəti yaratdı ki, hesab 6:0, 7:0 olmalıydı.

“Lans”ı qəbul edən “Monako” əvvəlki turda evdə “Paris”ə uduzduğundan bu dəfə azarkeşləri önündə bəraət qazanmalıydı. Baloqan 37-ci dəqiqədə özü qazandığı penaltini qola çevirib hesabı bərabərləşdirəndə düşünmək olardı ki, “knyazlar” qələbə qazanmaqda çətinlik çəkməyəcək. Ancaq cəmi 3 dəqiqə sonra Said “Lans”ı irəli çıxardı. “Qırmızı-ağlar”ın faciəsi bununa bitmədi: Baloqan 45-ci dəqiqədə Sanqareyə qarşı kobudluğa görə birbaşa qırmızı vərəqə aldı, uzatma dəqiqələrində elə həmin Sanqare hesabı 1:3 etdi. Said 60-cı dəqiqədə “Lans”ın 4-cü qolunu vurdu. Fati isə 90+3-cü dəqiqədə penaltini boşa verməklə fərqi azaltmaq imkanını qaçırdı.

Turun qalan oyunlarına gəlincə, “Strasbur” “Lill” üzərində inamlı qələbə qazandı. “Paris” evdə “Renn”ə uduzdu. “Havr” ilə “Nant” qalibi müəyyənləşdirə bilmədi – 1:1. “Loryan” – “Tuluza” oyununda da eyni hesab qeydə alındı. “Mets” evdə “Nitsa” üzərində əzmkar qələbə qazandı, “Anje” isə “Oser”in müqavimətini qırdı.

12-ci tur
Lion – PSJ 2:3
Moreyra, 30. Meytlend-Nayls, 50 – Zair-Emeri, 26. Kvaratsxeliya, 33. Neveş, 90+5. (58230)
PSJ: Şevalye, Zair-Emeri, Zabarnı, Paço, L.Ernandes (Markinyos, 74), Neveş, Vitinya, Ruis (Mbay, 74), Li Kan İn, Kvaratsxeliya (Ramuş, 74), Mayulu (Ncantu, 67).

Marsel – Brest 3:0
Qomes, 25. Qrinvud, 33-p. Obameyanq, 82. (66279)
Marsel: Rulyi, Pavar, Agerd (İqan-Rayli, 79), Emerson, Murilyo, Vermeren, Höybyerq (Bakola, 86), Qomes (O’Rayli, 70), Qrinvud (Vaj, 79), Payşao, Obameyanq (Mmadi, 86).

Monako – Lans 1:4
Baloqan, 37-p. – Eduar, 21. Said, 40; 60. Sanqare, 45+3. (10000)
Monako: Kön, Kerer, Salisu, Uattara, Teze (Kabral, 61), Akliuş (Fati, 73), Enrike, Qolovin (Mişal, 46), Kulibali (Zakariya, 79), Baloqan, Biret (İlenihena, 61).

Strasbur – Lill 2:0
Emeqha, 33; 62. (31051)

Paris – Renn 0:1
Embolo, 81. (16587)

Havr – Nant 1:1
Lyoris, 90+5 – Ablin, 4. (19747)

Loryan – Tuluza 1:1
Paji, 44-p. – Sidibe, 65-p. (15562)

Mets – Nitsa 2:1
Eyn, 53-p. Diallo, 84 – Şo, 35. (20683)

Anje – Oser 2:0
Akpa, 71-öz qapısına. Piter, 87. (11575)

1. PSJ 12 8 3 1 24-11 27
2. Marsel 12 8 1 3 28-11 25
3. Lans 12 8 1 3 21-11 25
4. Strasbur 12 7 1 4 24-16 22
5. Lill 12 6 2 4 23-15 20
6. Monako 12 6 2 4 24-21 20
7. Lion 12 6 2 4 18-15 20
8. Renn 12 4 6 2 19-17 18
9. Nitsa 12 5 2 5 17-18 17
10. Tuluza 12 4 4 4 18-16 16
11. Paris 12 4 2 6 18-21 14
12. Havr 12 3 5 4 13-17 14
13. Anje 12 3 4 5 10-15 13
14. Mets 12 3 2 7 12-27 11
15. Brest 12 2 4 6 14-21 10
16. Nant 12 2 4 6 11-18 10
17. Loryan 12 2 4 6 14-26 10
18. Oser 12 2 1 9 7-19 7

Bombardirlər: Paniçelli (Strasbur) - 9, Lepol (Renn), Qrinvud (Marsel) – 8.

Növbəti turun oyunları noyabrın 21-23-ü aralığında keçiriləcək: Nitsa – Marsel, Lans – Strasbur, Renn – Monako, PSJ – Havr, Oser – Lion, Brest – Mets, Nant – Loryan, Tuluza – Anje, Lill – Paris.

Turun rəqəmi
100 – PSJ son iki çempionat oyununda qələbə qolunu uzatma dəqiqələrində vurub. “Nitsa” ilə oyunda Ramuş 90+4-cü dəqiqədə fərqlənmişdi, Neveş “Lion”un qapısından qələbə topunu 90+5-ci dəqiqədə keçirdi. Maraqlıdı ki, PSJ əvvəlki 100 oyunda da yalnız iki dəfə bunu bacarmışdı.

Turun ulduzu
Uesli Said (Lans) – təcrübəli hücumçu “Monako” ilə oyunda bütün hadisələrin mərkəzində idi. Hissənin sonunda komandasını irəli çıxardı, 60-cı dəqiqədə isə “nəzarət atışı”nı gerçəkləşdirdi.

Turun sitatı
Sebastyan Pokonyoli, “Monako”nun baş məşqçisi: