Millimiz sabah DÇ-2026-ın seçmə mərhələsində Fransanı qəbul edəcək.

Oyunöncəsi keçirilən mətbuat konfransında müdafiəçimiz Elvin Bədəlov iştirak edib.

- Fransa millisi güclü rəqibdi. Amma oyuna hazırıq. İnanıram ki, sabah azarkeşlərimizin dəstəyi ilə yaxşı oyun göstərəcəyik. Nəticə qazana biləcəyimizə inanırıq.

- Dostun Kilian Mbappe sabahkı oyunda olmayacaq. Belə ulduz futbolçunun olmaması oyuna marağı azaldır?
- İnanmıram ki, maraq azalır. Bildiyim qədər stadion dolu olacaq. Azarkeşlərimiz sağ olsun. Mbappe gəlməsə də, Fransa millisinin ulduzları çoxdu. Komanda olaraq onlara qarşı hazırlaşırıq. Məncə, Mbappesiz daha çətin olacaq. Çünki onlar komanda olaraq daha ciddi olacaqlar. Biz sırf ona köklənmirik. Fransa millisini fikirləşirik. İnanıram ki, sabah yaxşı mübarizə apara biləcəyik.

MÜZƏFFƏR QULUZADƏ