DÇ-2026-nın seçmə mərhələsinin D qrupu çərçivəsində olacaq Azərbaycan - Ukrayna oyunundan əvvəl mətbuat konfransı keçirilib.

“Football-plus.az” xəbər verir ki, Ukrayna millisin müdafiəçisi Aleksandr Zinçenko jurnalistlərin suallarını cavablayıb.

⁃ İlk oyunda Fransa ilə qarşılaşdız. İndiki rəqib daha zəifdi. Bu oyununuza təsir edəcək?
⁃ Biz heç kimi aşağı görmürük. Sabahkı oyunda necə hazırlaşdığımız bilinəcək.

⁃ Sənin üçün hansı mövqedə oynamaq daha rahatdı?
⁃ Bu suala cavab verməkdən yorulmuşam. Məşqçi necə istəsə, elə də olacaq.

Daha sonra yığmanın baş məşqçisi Sergey Rebrov media önünə çıxıb.

⁃ Fernando Santuş işindən azad edilib. Bunun oyuna təsiri olacaq?
⁃ Əlbəttə, təsiri olacaq. Bizim milli komanda özünü göstərə bildi. İnanırıq ki, sabah yaxşı oyun göstərəcəyik.

⁃ Zinçenko sabah hansı mövqedə oynayacaq?
⁃ Zinçenko üçün fərqi yoxdu. Harda oynayacağını sabah görəcəksiz.

⁃ Bu il Çempionlar Liqasında Ukrayna təmsilçisi yoxdu. Bu yığmaya necə təsir edəcək?
⁃ İstərdik ki, ÇL-də çıxış edən komanda olsun. Müharibə olduğu üçün komandalarımız yaxşı hazırlaşa bilmir. Avrokuboklarda iştirak etməkləri bizim üçün kifayətdi.

⁃ Sedakov hansı mental vəziyyətdədi? Oyuna hazırdı?
⁃ Təəssüf ki, üç ildi bu vəziyyətdəyik. Hazırda belə yaşayırıq. Amma bu bizə motivasiya verir.

⁃ Rəqibiniz yaxşı vəziyyətdə deyil. Rahat qələbə qazana biləcəyinizi düşünürsüz?
⁃ Düşünmürəm ki, rəqibimiz zəifdi. Baş məşqçinin getməyi də təsir edə bilər. Oyunlarına baxmışam, yaxşı komandadı.

MÜZƏFFƏR QULUZADƏ